عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بان كيك موز
المقادير
عدد (2) موزة
كوب دقيق
كوب لبن
عدد (2) بيضة
ملعقة كبيرة سكر
ملعقة صغير قرفة (ممكن تستغني عنها)
فانيليا
2 ملعقة زيت نباتي
ملعقة كبيرة بيكنج باودر
1/4 ملعقة صغيرة ملح
الطريقة كلآتي وخطوة خطوة بالصووووور
أنا هنا عملت تقريبا مقدار ونص عشان العدد
أول حاجة بهرس الموز بشوكة بالطريقة دي
وده بقى شكله بعد ما هرسناه
بضيف البيض واقلبه مع الموز كويس
أضيف السكر والقرفة واقلب كويس
أضيف بعد كده اللبن
أضيف الدقيق والبيكنج باودر والفانيليا والملح مع بعض
أضيف الزيت واقلب كويس
وده شكلها النهائي
هانستخدم فنجان قهوة عشان نحدد بيه مقدر العجينة
بعد كده هانقلي الفطاير دي في طاسة تيفال صغيرة ممسوحة بزيت قليل كده بمنديل ورقي
هاتبتدي تعمل فقاعات بالشكل ده
وأول ماتبتدي الفقاعات تبقى كده ده معناه انها بقت متماسكة عشان نعرف نقلبها من غير مالعجينة تبقى طرية وتخرب مننا
قلبناها هنا عالناحية التانية وده شكلها
اخر مرحلة بنضع عدد منها حسب الرغبة فوق بعض ونضع عليها عسل او صوص شوكلاتة أو ممكن مربى مع بولة ايس كريم اللي يعجبك انتي وأفكارك بقى
وده الشكل النهائي
بجد بقى طعمها تحفففففففففففففة وبتتاكل سخنة أو بارده زي مانتي عايزة وريحتها قلبت البيت بنات خالي نزلوا عالريحة وماشاء الله ماتبقاش لييا حاجة أنا أصلالالالالا 😆
