عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عبره منقوله لروعتها ولفائدتها
بدلها ودوبلها http://******oorq8.net/vb/images/smilies/smile.gif
انتهت الإجازة الصيفية . بعد أن قضيناها بالطول والعرض. ما بقى سوق ما بقى بحر… بر … بلياردوا … انترنت… أوف ملل زهقه. وحتى بعض ربعنا اللي سافروا ردوا من سفرهم ويقولون أول الأيام وناسة وبعدين ملل . أوه عفوا نسيت أعرفكم على نفسي أنا سلطان ويسموني الزعيم لأني أنا الرأس المدبر لربعي . اليوم بعد ما مليت من برنامجنا اليومي . قعدت أفكر شلون أغيره وأكسر الروتين القاتل… لأننا فعلاً ملينا بكل ما تعنيه هالكلمة من ملل … دخلت على الربع الديوانية وسلمت عليهم
سلطان : هاي شباب شلونكم .
خالد: هايات ولكمو حبيب قلبي وينك يا معود والله ملينا . قاعدين نفكر وين نروح من اليوم وقلنا ما في إلا الزعيم هو يقرر لنا. ألحق علينا يا الزعيم.
سلطان : امممم والله ما أدري شقول لكم أنا أول واحد مال منكم ومن وجوهكم …
بسام: أفا شفيك يا الطيب شوي شوي علينا . طيب يا الزعيم . وين تقترح نروح اليوم ؟
سلطان : ما أدري شرايكم نروح السوق ؟
بسام : يعني قايل شئ جديد ملينا كل الأسواق نفس الشكل حتى البنات نفس الشكل موديل واحد ههههه .
سلطان : طيب يا جماعة أمشوا خلونا نروح بسيارة وحدة ونمسخر العالم عاد الشباب والبنات هالأيام أشكالهم مسخرة أشكال عجيبة وغريبة ما دري من وين تطلع الظاهر من المريخ ما تعرف البنت من الصبي ههههه
بسام : يا سلام ما في إلا جذي بس ترى أذا حاشنا طق ما نعرفك النحشة يا ولد … ولا هاليومين البنات هابين بالجودو والكراتيه خخخخ..
سلطان : بسامو أيا جبان .. أفا والله ما هقيتها منك ما عاش من يطقك وأنا موجود
بسام : العمر غالي يا خوي ههههه
سلطان : هيا شباب لننطلق إلى السيارة .
بسام وخالد : حاضر سيدي .
ركبنا السيارة تجولنا في الشوارع بالطول والعرض ساعة كاملة وبدون هدف وحسينا بالملل مرة ثانية . وفجأة … لفت نظرنا إعلان كبير مكتوب بدلها.
خالد : هههه شوف شوف لا يطوفك بدلها أسمع يا ولد عطني جيتي وخليني أبدل على كيفي خخخخخ .
سلطان : أفا أنت من ربع الجياتي … ما أعرفك يبا لا تفشلنا في الوسط الراقي
خالد : صج والله … الله يخليك يا بو وسط راقي تقترح تبدلها بالرولزرايز تخيل ههههه .
بسام: يعني شنو بدلها هههه
خالد: ما أدري والله خلينا نروح ونسأل .أحنا ورانا شئ تلقاها . دعاية حق أكل أو بلعه مو التجار ما عندهم إلا هالسوالف وخصوصا رمضان على الأبواب هههه
سلطان : شفيكم عيونكم شكبرها على الفاضي أقروا بدلها << بدل سيئاتك حسنات .
خالد : ها يعني شلون .. أول مرة أسمع بهذا الشئ …خلونا نروح نشوف شالسالفة .
بسام : يعني شنو بيطلع . سوالف فاضية .
سلطان : أسكت بسامو .. أنا اقول أنه نروح ونشوف شالسالفة .
خالد : أي وناسه تغيير من الروتين . يمكن نلقى شئ نتمسخر عليه ههههه
ورحنا أحنا الثلاثة ودخلنا السوق وشفنا أعلان كبير مكتوب بدلها مع العوضي والعفاسي … وشفنا كراسي كثيرة وطاولات عليها كتب وأشرطة وأحنا طبعا مو عارفين شالسالفة نطالع شئ أول مرة نشوفه وبعدها قربنا عند أحد الطاولات وقلت : يالحبيب شنو فيه . كان يبتسم لنا واحد من الشباب . بصراحة شكله سمح وأنشرح قلبي له ما أدري ليش . أحسن من وجوه ربعي هههه . قال لنا : في عندنا حملة أسمها بدلها وهي لمشروع ركاز ونقصد فيها بدل سيئاتك بالحسنات .
بسام همس بإذني : زعيم زعيم … شرايك نمسخره خخخخ
كان ألتفت له وأقول له : بسامو أسكت شوي مو وقته الحين لحظة خلنا نعرف شالسالفة.
كان يقول بسام: زين يا المليغ .
سلطان : طيب شلون الواحد يبدل سيئاته حسنات ممكن تفهمني .
ضحك الشاب . وقال: حاضرين للطيبين. أنت تفضل وأحضر اللقاء مع الشيخ مشاري العفاسي . والدكتور محمد العوضي وراح تلقى كل الإجابات على إستفساراتك.
بسام : ههه مطاوعة بالسوق شرايك نمسخرهم . كان أخزه وأقول : شفيك أن جنيت عيب هذولي مشايخ مو البنات والشباب اللي أشكالهم مسخرة . أحترم نفسك شوي ترى والله يدعون عليك دعوة ما أنت بخير بعدها هههه . كان يعصب بسام وراح بعيد شوي . إلتفت صوب خالد وقلت له : خالد شرايك بالكلام نحضر حتى نعرف شالسالفة . ومنها تغيير .
خالد : نحضر ليش لا . وماراح نخسر أصلا أحنا فاضيين وما ورانا شئ هههه
بسام : أنا وراي شئ ما لي خلق حجي مطاوعة يبا خليكم أنا بروح أقز بالسوق باي
سلطان : بايات أخوي وكيفك متى ما مليت من القز بتلقانا هني .
ورحنا وقعدنا على الكرسي بأول سطره . ولما بدأت الندوة قعدت أنا وخالد نسمع كلام المشايخ وحسيت بشئ غريب وشدني كلامهم الحلو . كلام أول مرة أسمعه وبصراحة أثر فيني . العفاسي قرأ بصوته الخاشع هذه الآية ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ) وآية ( إلا من تاب وآمن وعمل عملا صالحا فأولئك يبدل الله سيئاتهم حسنات ) وبعد العوضي كلامه حلو وممتع قال : يقول الله : إذا أراد عبدي أن يعمل سيئة فلا تكتبوها عليه حتى يعملها ، فإن عملها فاكتبوها بمثلها ، وإن تركها من أجلي فاكتبوها له حسنة ، وإذا أراد أن يعمل حسنة فلم يعملها فاكتبوها له حسنة ، فإن عملها فاكتبوها له بعشر أمثالها إلى سبعمائة ضعف . وتكلم عن شهر رمضان فرصة لتجديد التوبة وتبديل السيئات إلى حسنات ومضاعفتها لأن شهر رمضان كنز ولازم نستفيد منه بأن نكثر من الأعمال طيبة . والعفاسي ماشاء الله أناشيده عجيبة وهزتني وخصوصاً أنشودة أنا العبد الذي كسب الذنوب سرحت فيها وتفكرت شلون حياتي مليغة كدر وتعب صحيح مونسين نفسنا بس . وناسة ما تدوم . ولما خلصت الندوة رحت للشيخ العفاسي وسلمت عليه وإبتسم لي إبتسامة حلوة هههه بصراحة المطاوعة وجوهم منورة وتشرح القلب . وخالد مبطل حلجة وما علق ولا كلمة لأن شاف شئ عمره ما شافه . وبعدها رحنا للطاولة وشفت لافته مكتوب عليها بدلها ويانا وتحتها أشرطة فسألت الأخ الموجود على الطاولة : يا الطيب شعندكم بعد كان يبتسم ويقول : إذا عندك إشرطة أغاني تبي تبدلها بأشرطة نافعة وفيها محاضرات حلوة ونافعة . بدلها معانا .
كان أسرح وأفكر . وخالد يسألني : زعيم شفيك .
سلطان : ها لا ولا شئ بعدين أقول لك . ولا نشوف بسام قاعد بعيد وسرحان كان نضحك على شكله
سلطان : ها بسام شفيك .
بسام : لا ولا شئ مليت وقعدت أنطركم وسمعت الندوة .
خالد: ها شباب وين نروح الحين.
سلطان : شرايكم اليوم نسوي شئ جديد وغريب وأول مرة نسويه .. أنا قررت وعزمت أني أبدلها ومن اليوم فكل واحد يروح البيت ويبدلها .
خالد : من صجك ولا تتغشمر . أنت متأكد أنك أنت زعيمنا !!
سلطان : طبعا من صجي بصراحة أنا فكرت وتأثرت بكلام المشايخ وفعلا أحنا شناطرين . رمضان وما باقي عليه شئ . وحياتنا ملل وزهقة طيب وجربنا كل شئ وملينا منه طيب خلونا نجرب ونبدلها . ونشوف الفرق . بسام شفيك شقلت …بسام ساكت ما يرد .
سلطان : بسامو … أنا أكلمك شفيك .
بسام : لا ولا شئ تعبان بروح البيت
