برنامجي للعناية بجسمي وبشرتي مع rubi.gahtani

بسم الله الرحمن الرحيم

السلام عليكم ورحمة الله وبركاته

من غير مقدمات انا سبق وعرضت مشاكلي على اختي الغالية rubi.gahtani وماشاء الله عليها

الله يسعدها ويرفع قدرها ويجزاها ربي كل خير ساعدتني وعطتني كذا خلطات

قررت انزلها في موضوع مستقل ونتابع بعض وهي كمان تتابعني

انا جسمي مو موحد لونه …فيه تصبغات في سيقاني.. بشرتي جافة وشعر تحت الجلد في سيقاني

سمنة وبروز كرشة ..

هذي مشاكلي ومعاناتي وسبب رفضي لكذا حضور عرس لكذا خطبة ..

وهالشي ندمانه عليه لانه نتج من قلة الاهتمام باكلنا بجسمنا بكل حاجه ..

وفجأة دريت انه جا خاطب وهالمرة ابوي مايقدر يرفض لانه رجال كفو والنعم فيه وهو كذلك للامانة ..

يعني انحشرت صح ولعلها خيره يارب

دورت المنتديات يمين شمال وماشاء الله لقيت ردود جدا حلوة ولفتني اكثر شي موضوع rubi.gahtani

اللي هو اسألي .. عندي حل لكل مشكله .. بإذن الله ..

وقلت ادخل واسألها وماقصرت الله يسعدها

ادتني هذي الخلطة لكل مشاكل بشرتي وجسمي

علبة فكس صغير – علبتان من كريم جلسوليد صغير الاحمر – كأس ماء ورد – صابون الغار- زيت زيتون و زيت لوز مر و زيت الخروع هذه الزيوت مقدار فنجان قهوة من كل زيت – كركم للجسم ملعقتين – جلسرين سائل علبة صغيرة
الطريقة : يبشر صابون الغار ويوضع عليه كأس من ماء الورد من اليل حتى الصباح
ثم توضع جميع المقادير في الخلاط وتخلط وتوضع في قارورة زجاج
وتترك على الجسم ساعة ثم تفرك بالفه وفنجال زيت زيتون مع ملح خشن وعصير ليمونه

يوميا وشوفي بس جربي اسبوعين بالضبط وتعالي كلميني اذا ما صار اللي تبينه ادعي علي لو تبين .. بس اهتمي والله بالاهتمام كل شي يصير يا غلاي..

اي نعم يا عمري تنفع لوجهك وكل مناطق الجسم بس انتبهي الحساسه لا يدخل .. ودام بشرتك جافه اعيد واكرر اشربي مويه وحاولي توفرين زيت الاركان من الشخص اللي عطيتك رقمه او زيت زيتون اصلي تلاقينه عند العطار بس اكبر عطار عندكم اهم شي زيت زيتون الجوف .. والخروع خذي من وادي النحل .. وصابونة الغار اسمها الجودي اصليه او خخذي اي صناعه سوريه عادي اقري وش مكتوب عليها من عند اي عطار .. بالنسبه للشعر تحت الجلد اعيد واركز على الفكس ارخص وفعاااال وصنفري بالحجر __<< الحجر مهم ..

عادي استخدميها اي وقت فاضيه وخليها ساعه لانو قبل تاخذين دش تسوينها ولو لفيتي جسمك بكيس زباله انتي والكرامه وقعدتي فيه يكون احسن ورجولك ويدينك البسي قفازات راح يسرع النتيجه ويطلع الوسخ وترا فيه بدلة سونا تريحك من الكيس عند العطار شوفي صورتها
لا حطيتي الخلطه البسيها سعرها 40 ريال على مااذكر

ملاحظة / تنفع للوجه بس حطيها يوم ايه يوم لا وخفييفه اذا بشرتك حساسة

خلطة بياض الثلج تدهني ليل ايه وليل لا بزيت الزيتون الاصلي رااح يش جسمك شدد

هذا بالنسبة للجسم والبشرة ..

بالنسبة للهالات السودا شفت ردها كذا

اسهل شي ملعقتين كركم في علبه كامله لوز مر وادهني منها ليليا والصباح غسلي شهر وادعيلي

بالنسبة للتشققات هذا ردها

بالنسبه للتشققات مالك الا زبدة الكاكاو بالمرز وزيت زيتون اااااصلي اااصلي صدقيني شهرين وتلاحظين بدت تتلاشى 4 شهور وتودعينها للأبد ان شاء الله هذا اذا مشكلتك كبيره اذا اقل تكون النتيجه اسرع يوميا هاتي ملح خشن وليمون وشوي زيت زيتون وافركي المنطقه بحركات دائريه مع عقارب الساعه على تحت .. وبعدها هاتي الزيت واخلطي ملعقه بوقتها مع الزبده وهاتي يا مساج تقريبا ربع ساعه وغسلي بمويه بارده وخلاص عيديها يوميا

بالنسبه لسمار الابط هاتي زيت لوز وحطي فيه ملعقتين كركم ورجيه قبل الاستخدام وقبل النوم حطيه والصباح غسلي بصابونة البابايا << فيه اسهل؟؟ بس اصبري تقريبا اسبوعين عشان تشوفين نتايج اوليه

بالنسبه للكرش استخدمي زبادي خالي الدس قبل كل وجبه راح تروح كروشتك وبكل امان

كمان لا انسى برنامج للعناية بجسمنا من الداخل نبتعد عن الشوكلاتات والدهون والاشياء اللي مالها قيمة غذائية ..نكثر كل يوم من شرب 8اكواب موية تعادل 2لتر

كمان كل صباح كاسة برتقال طازجة

كمان فواكه وخضروات

كمان زبادي

كمان التمر والحليب

علشان تعبنا في الخارج مايروح عالفاضي وبالتالي ينعكس على الخارج ..

لانه واحنا صغار ماكنا كذا ابد حتى منطقتنا ماكانت كذا مع الايام صار في جسمنا كذا لانه اكلنا اختف و اهتمامنا قل ..

والله يابنات ما اكذب عليكم امي كانت تقول وانتي صغيرة ما اطلعك للناس اخاف يجيك عين طلعتي بيضا ودبدوبة <<<ربي يحفظك يالغالية ويحفظ كل الامهات

اذا نسيت شي ذكروني بليز

rubi.gahtani<<كوني بالقرب

راح ابدأ من يوم السبت في رحلتي مع مظهري وجسمي وبشرتي .. 😳

الله يوفقني ويوفق الجميع يارب