عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ازيكم يا فراشات
النهاردة حبيت
انزلكم عمل فني من اعمالي
وهو طريقة لعمل برواز بخامات
بسيطة جدا وغير مكلفة
يارب يعجبكم
اولا : الادوات :
اصداف
ألوان مائية
ورنيش
جليتر انواع انا استخدمت الذهبي والفضي والوردي
لوحة ناصبيان بأي حجم (الناصبيان زي اللوحة بتاعت النتيجة (كرتون سميك ) )
رمل
غراء سايل
مسدس شمع
الطريقة :
نجيب الصدف ونلونه بالألوان المائية
حسب ذوق كل وحدة
وبعدين نسيبه ينشف وبعد كدة ندهنه بالورنيش
عشان يدي للصدفه لمعة حلوة وكمان علشان الألوان متتطلعش في الايد
ونرش على الصدفة قبل ما ينشف الورنيش الجليتر او البرونز
وهنا بعد ما خلصتهم :
صورة اقرب :
وبعد كدة نجيب لوحة الناصبيان وندهن اطرافها
بالغراء الابيض او اي غراء سايل زي UHU
ونرش عليه الرمل علشان يلزق فيه
ونسيبه لحد ما ينشف خاااااالص
ونبدا نلزق الصدفات بمسدس الشمع
على الرمل حسب المنظر الجمالي اللي تحبوه
وكدة عملنا البرواز
ممكن تحطي صور لمناظر طبيعية
او خضرة او شلالات او شهادة تقدير
بس الله يرضى عليكم بلاش صور ذوات الارواح
عشان الملائكة تدخل بيوتكم ويبقى بيتكم مبارك
ياريت يا حبايبي تستخدموا
العمل ده فيما يرضى الله
واللي يعجبها العمل يا حلوين
يا رييت تدعيلي ربنا يهديني
ويعيني على حفظ القران
ملحوظة صغيرة :
انا منزلة العمل ده
في موقع تاني
باسم تاني
وجزاكم الله كل خير
