عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ازيكم يابنات اخباركم وحشني بجد كلكم
جايبلكم النهارده طريقه بروستد خطير جدا بس للاسف والله مصورتهاش على العموم هكتب المقادير والطريقه وجدا سهله
المقادير
دجاج مقطع اتمان
بياله خل وملح
وطبعا دقيق وزيت
الطريقه
نقطع الفراخ مش انصاص طبعا ولا ارباع لا اتمان
ونتبلها بخل كتير وملح
يوم ساعه ساعتين على حسب الوقت اللي قدامك
ملحوظه ممكن تشطشطيه انك تجيبي محقنه وتجيبي شطه سايله وتحنيقها فتطلع مشطشطه
نجي لطريقه القلي لو عندك قلايه بالكهرباء خير بركه معندكيش تجيبي حله مش طاسه وتملي تلت اربعها زيت
وتسيبي الزيت يقدح لدرجه انك لو حطيتي بطاطسايه ممكن تستوي في لحظتها وبعد كده تتبلي الفراخ بالدقيق بس وتحطيها في الزيت القادح وتوطي على نار متوسطه وكل ماتحسي ان الزيت برد تعلي تاني لغايه لما تبقى ذهبي وطلعيها وبالهنا والعافيه واي استفسار انا جاهزه
