عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عملت برياني هندي وطعمه بجد وووووواوووووو لاني من عشاق الاكل الهندي
جبتلكوا معايا الخطوات والصور … يلا معايا يا بناااااات
برياني هندي
اسلق الرز في ماء وملح وشوية زيت ومكعب مرقة وقرفه وحبهان 
هنا الرز بعد ماتسلق
جبت البصل وقطعته بالطريق دي واحطه في الزيت عالنار 
لحد مالبصل ياخد اللون ده واخد واطلع منه شوية بره على ورق المطبخ والباقي هاحط معاه التوابل والجنزبيل المفروم والثوم المفروم
ضفت كوب زبادي وكركم وقلبت كويس 
ضفت قطع الفراخ وحطيت عليا المستردة (الخردل)وقلبتهم مع بعض
حطيت كمية بسيطة من الميه يادوب الفراخ تكمل سوا فيها 
هنا بعد مالفراخ استوت طلعتها في صينية واتبقى لنا الصوص اللي استوت فيه 
جبت حلة نظيفة وحطيت فيها كمية بسيطة من الرز المسلوق ووزعت عليهم كمية بسيييييطة من الصوص بالبصل اللي عندي بطريقة عشوائية
حطيت طبقة تانية من الرز وحطيت عليهم الفراخ الي عندي يا اما ادخل الفراخ الفرن تحت الشواية واكمل طبقات الرز والصوص عادي انا بفضل احطها في الرز ياخده طعم بعض
اكمل طبقات الرز والصوص لحد ما وصل للنهاية بالشكل ده
اغطي الحلة بورق الفويل بالشكل ده 
اغطيها بالغطا بتاعها وادخلها الفرن لمده ربع او ثلث ساعه بالكتير وخرجيها السخونية بقى هاتبخر الاكل جوا وكله ياخد طعم بعض
هاقلب الحلة في سيرفيس وازينها بشوية صوص والبصل اللي شيلته في الاول وفلفل احمر واصفر شرائح مقليه وده شكلها 
بصوا من الجنب كده الرز جاي طبقات ازاي والفراخ اهي في النص والحكمة بقى من الصوص بين الطبقات الشكل هايطلع كده رز ملون لان الصوص اتسرب لبعض الرز وخد اللون فالطبق يبقى ملون كده والطعم وههههههههمممم
عملت جنبها سلطة فاصوليا بيضا وسلطة خضار وكاتشب بالمايونيز
بعد ما خلصت الاكل وفاضل اقدمه واصور الكهرباء قطعت والتصوير بتاع التقديم لو اخدتوا بالكم على نور الشمع وفلاش الموبايل 🙁 😆 قلتلهم هاصور يعني هاصور
ألف هنااااا
