عالم البنات النسائي كل ما يخص المرأة العربية من ازياء وجمال والحياة الزوجية والمطبخ
*****************
في فجر هذا اليوم قرأت موضوع ام البتول الله يحفظها عن زمان اول
وجلست بعدها افكر وافكر وافكر<<<على وزن وتدوم وتدوم وتدوم
المهم
من جد جلست افكر في حال هالدنيا واحوال الناس واقول في هالوقت وهالجيل كل شي تغير ,, طيب ليش ؟؟ ليش؟؟
جاء في بالي الكثير والكثير من الاشياء اللي تغيرت واولها التساهل بالدين والمشكله هو اخطرها وتاليها تربيتنا لابنائنا
**********
جلست افكر طووول اليوم بحالنا قلت صحيح كلام اختنا ام البتول والله يجزاها عنا خير الجزاء واضفت على موضوعها هذه الكلمات
أمس كنآآ نقول عيب .. واليوم عآآدي
البآرح كآن حرآم .. واليوم أصبح حلآآل
تغيرت العقول .. { وللأسف تغيرت للأسوء
واللي خرب عقول البعض كلمه وحده .. الموضه ..!!
بألأمس الجآر كآن يزور جآره .. ويفرح لأفرآحه
الحين الجآر مآصآر يعرف إلآ .. اسم جاره ,,!!ويمكن يعرف بس سيارته!!
زمن أول كان الدش خراب بيوت وإن دخل البيت مايتعدى.. مجلس الرجال واليوم في الصالة رسيفر بجميع القنوآت
والأب والأم رآآضين ومستآنسين ..!!
وبعد يجلسون يتابعون ولا ينكرون ولا يستنكرون على ابنائهم 😡
بالأمس كانت الأسواق هآآديه كل وحده تجي ويآ بنآتهآ وتشتري أغرآضهآ وتمشي!!
واليوم صارت.. ساحه مغااازل ,,!!مفآآتن وبلوتوث ورسآآئل غرآميه حتي الهنود صآآروآ يبحثون بآلبلوتوث..!
في مآ مضي كان السواق ما يتحرك مع بنات البيت إلا
بمحرم وغرفته معزوله عن البيت بشآآرعين ..
واليوم أصبح السوآق من اهل البيت
والأبو نآآيم في سبآآت خآآرج أسوآآر البيت ..!
والأم موزعه يومهآآ بين نوم و زيارات و نت وتلفون ..!!
أول كان الجوال بيد رجال وإن لزم الأمر كان بيد متزوجة
واليوم الجوال صار حافز للنجاح تلقى الطفل والطفلة
بثالث إبتدائي ونجاحتهم جوال والغريبة يدرون انه ماراح يستخدموه
واذا سألتهم قآلوآ ولد فلان مو احسن منهم ,,!! ❗
حتى البيوت والمنازل صارت تتأثث بأحسن الاثاث وافخمها والمشكله مافيه احد يعزم احد واذا عزم وتكلف صارت باستراحه عشان اثاثهم مايخرب!! عجب عجب 😥
زمااان ..وزمآآن .. وزماااان ,,!
كل شئ حلو في ذآك الزمآآن
المشكله كل يوم في إزديآد .. والسبب تغير هآآكـ ..الزماااان ,,!!يآزين جدي وجدتي للحين محآفظين على مآمضي من هآك .. الزمان
ملينا من هالكلام زمانكم يختلف عن زماننا!!!!!!
الكثير يردد ويقول..الزمن تغير ..,
كل من شآف له شوفه غير متوقعه ..!
وكل من اختلف عليه أمر ردد هذه المقوله ..!
والمشكله أن بعض هذه التغيرات لآيرضآهآ لآ الدين ولآ القلب ولآ العقل
لآ أدري مآلذي تغير ..
هل هو الشخص أم الزمان ..؟!
ولكن لأ أقول .. إلآ كمآ قآل الشآعر
نعيب زمآننآ والعيب فينآ … ومآلزمآننآ عيبٌ سوآنآ
ونهجو ذا الزمان بغير ذنب … ولو نطق الزمان لنا هجانا ~
*****************
الزمن تغير لاننا احنا تغيرنا
ولا يمكننا ان نعيب على الزمن قبل ان نحاسب انفسنـا ،،
الزمن واحد .. وإحنا اللي نتبدل
مجرد وجهة نظر فاضت بها القريحه <<<مدري وش دخل القريحه
لكن كله بسبب ام البتول هههههه
