بسم الله الرحمن الرحيم

السلام عليكم ورحمة الله وبركاته
اخواتي الفاضلات ارجوامن كل وحدة تقرا الموضوع تدعي لولدي ان الله يشفيه
انا عندي ولدي يوم كان عمره شهرين وديته علشان اطعمه ويوم فحصة الدكتور يقولي في صوت في القلب عاد انا مت خوف وحولني عالمستشفى العام علشان يشوفة دكتور قلب والموعد بعد شهر المهم اناعلى طول طلعت من عند الدكتور واودية دكتور قلب فحصة وقالي نفس الشي في صوت بس ان شالله يكون شي بصيت ويمكن فترة ويروح لان غالبا الاطفال في بداية الشهور الاولى تكون عندهم اصوات وتروح بروحها- اول مارجعت البيت خبرت زوجي وقالي ان شالله مافيه الا العافية الولد مايبين علية اي شي لا ضيق ولا ازرقاق ماشالله ويرضع طبيعي المهم طول الشهر وانا ادعي ربي ويوم جاء موعدة وديتة لدكتور القلب الخاص للاطفال في المستشفى العام فحصة الدكتور وقالي الحمدلله ولدج مافية الا العافية وادا تبين تطمنين هاتيه وعمره سته شهور
مرت الاربع شهور وجاء موعد الولد قلت في نفسي ليش اوديه وهو مافية الا العافيه الحمدلله مايبين عليه اي شي يلعب ونموه طبيعي -المهم خبرت زوجي انه مايحتاج نودية قالي احسن بعد الوسوة مب زينه
الصدمه يوم كان عمرة عشرة شهور تعب علي فجاة زكام وكحة وسخونة قلت انا اكيد علشان تغيير الجوء لان حتى اختة نفس الشى كانت مزكمة بس الولد كان يبين علية اكثر انه تعبان وكلة خامد
فوديته طوارى الاطفال هناك الدكتور اللي فحصة قالي لازم اشعة شكلة عنه بلغم حاد بعد ماطلعت الاشعة جاء الدكتور يشوفها الا يقول هو ولدج عنده مشكله بالقلب قلتلة على طول بسم الله على ولدي كان فيه صوت وهو صغير بس راح على طول-قالي لا ولدج قلبة متضخم والتضخم سبب في شوي من تضخم الرئة بعد انا هني حسيت قلبي وقف على طول مسكت ولدي حضنته وقلت (لا اله الا الله)
المهم قالي لازم الحين على طول نحوله المستشفى العام لان الجهاز اللي بيبين حالة الولد مب موجود الا هناك وفعلا رحنا هناك وسوله الايكو وقالوا احتمال يكون عندة شي في الشرايين بس مابين شي يعني لازم قصطرة واليوم الثاني سوى القصطرة وطلع عندة عيب خلقي في الشريان وحالتة نادرة جدا يعني لازم يبيله سفر للخارج هدا الكلام قالة الدكتورالمهم وديناه لندن وهناك سوى العملية والحمدلله العملية انجحت بس التضخم ماراح منة خف شوي بنسبه بسيطة بس الحمدلله رب العالمين الولد بخير ومتعافي مشكلتة الحين انه بس يتعرق وقت النوم واحسة اوقات يتضايق
والدكتور اللي يتابع حالته ما اقول الا الله يهدية وهو يعتبر احسن دكتور عندنا وااااايد مهمل ومايعطيج اجابه شافيه واحسه ماهو قد المسؤليةومواعيده متباعدة جدا
فسمعت عن دكتور اسمه زهير الهليس فارجوا من كل وحدة تعرف عيادتة او المستشفى اللي يشتغل فية تخبرني وجزاها الله الف خير