“”بشرتك دهنيه او مختلطه تعالي هنا >>>بالصور

ومثل ما قلت كلامي مجرد قطرة من بحر ، و أنا متأكدة لو تشاركنا سوى بنستفيد كثير

بقولكم معلومة بسيطة البشرة الدهنية تحتاج صابون صلب لأنه ينشف زيوتها . العادية تحتاج صابون سائل ، و الجافة تحتاج تونيك منظف
و بما أننا نتكلم هنا عن الدهنية ، بعرض لكم كذا شغلة أستخدمتها و رأيي فيها

* صابونة نيتروجينا

أستخدمتها سنتين تقريباً ، رائعة أقل شيء عنها فعلا تصفي الوجه بشكل <3
أستخدمها صباحاً أول ما أصحى و مساءاً مباشرة قبل أنام (:
يكفي نتروجينا شركة معروفة

* غسول لوريـال باريس

أمسح وجهي بمنديل فيه ، مرة حلو و منعش بشكل ! كفاية ريحته أحياناً أفتحه أشمها و أسكره XP

* ماء الورد
أشوف كثير يمدحونه لكل البشرات ، حطيته برشاش صغير و بصراحة ما أعجبني ما أدري
الخلل فيني أو فيه بس قطعته بالنسبة للي يحطونه مع موية الشرب أعتقد أني بجرب ، عموماً فيه كثير بشرات دهنية مشى معاها ماء الورد بس يمكن بشرات معينة مثلي ما أعجبها الموضوع

* صابون نيتروجينا السائل

أستخدمته قبل لا أعرف أنو ما يصلح للدهنية إلا الصابون الصلب ، فادني على خفيف جداً ، يعني أعتقد ذوات البشرة العادية ممكن يناسبهم ، أختي مرة ناسبها

* صابونة الباباياhttp://www.satfrequencies.com/girls/images/up/…1602487784.jpg

هي اللي أستخدمها الحين ! حبيتها درجة تجفيفها مرة مناسبة
موجودة بكل مكان ، صيدلية عطارة محلات مثل بودي شوب و غيره
– ما صورتها لأنه مو عندي الكرتون و لا أتذكر شكله أو أسم المصنع اللي أنتجها ، أنتي عموماً حاولي تاخذي من صيدلية موثوقة و اللي من بودي شوب يمدحونها كثير بس ما جربتها (:

طيب لما تغسلين وجهك و كلش تجف مناطق معينة ببشرتك أيش الحل ؟
الحل يا ستي تحطين كريم مرطب بهالمناطق
و أنتبهي مو أي كريم تحطينه على وجهك ترا يا بنات مرة غلط مهما كانت نوعية بشرتك جافة عادية دهنية ، حطي كريم مخصص للوجه و أنتي تثقين فيه .
كريم الصباح OLAY مرة ممتاز طبعاً بس للصباح

كمان مكتوب عليه تفتيح بشرة بس ما عندي أي فكرة عن النتيجة لأني أخذته أصلاً عشان الترطيب مو التفتيح و من فترة قريبة شهرين أو ثلاث
الجميل أن فيه واقي

طيب رحنا الدوام و كلش ، و رجعنا وجهنا من الشمس حكاية !
غسلي وجهك بالصابون كويس و بس تغدي بالهناء و قيلي بالعافية ^^”

لا تبالغين و تغسلين وجهك بالصابون بين ساعات قليلة ، عن تجربة تتنشط البشرة و تفرز زيوت أكثر ( جينا بنكحلها عميناها )
مرة مرتين بالكثير في نص اليوم فقط ! لا تكثرين و كل ما حسيتي وجهك ترطب غسلتيه بصابون أغسليه بالموية بس

طبعاً ما ننسى الحبات الملاقيف اللي يطلعون فجأة و من اللاوجود ! كريم مرة ممتاز أستخدمته كل ما طلعت لي حبه ، يومين ثلاث بالكثير و تختفي

الكريم مخصص للحبوب بس ، يعني تحطين على الحبة نفسها لحالها ، و أنتبهي لا تحطينها بالمنطقة اللي جنب أنفك لا تغلطين غلطتي يصير فيه تقشرات و حالة ! و طبعاً مو حول العيون.
differin اسمه

و لأن البشرة حساسة و الشمس ألد أعدائها ، طبعاً أتكلم عن الشمس الحارقة مو أشعة الصباح المفيدة
معروف أنو واقي الشمس أربع ساعات و يتغسل و مهم طبعاً للبشرة
كريم سبيد ميد
ما أستخدمت إلا هذا فما أعرف إذا فيه أحسن
البشرة الدهنية تتأثر بعوامل كثيرة أبرزها النفسية ،
لما تعاني ضغط تسمحين له يأثر على نفسيتك كيف تبغي بشرتك صحية
ترى هالشيء بجد مرة مؤثر يا بنات
حتى التفاصيل الصغيرة لها دور ، كم مرة أنتبهتي على نفسك و أنتي تصري على أسنانك ؟ حتى لو كنتي مبسوطة تسولفي بالمسن مثلاً ؟ شادة رجلك أو ظهرك ، أسترخي أسترخي
سوي شيء يحسسك بالطمأنينة ، أقري قرآن ، أسمعي لمشايخ تعجبك أصواتهم ، أدخلي جو معاهم ، أبكي ترا عادي
لما يضيق صدرك لا تكتمي البكية ! .. أبكي و طلعي كل الدموع اللي جواتك ، فيه ناس تحب تسوي أشياء معينه لما يضيق صدرها ، فيه ناس تنام ، فيه ناس ترسم … فأنتي أبكي و أرتاحي و أرسمي أو أكتبي ترا مرة يأثر على نفسيتك و تحسين نفسك أرتحتي
أضحكي ، أضحكي من قلب و وسعي صدرك و ما عليك من شيء ، أنا أحياناً لما أقرأ في كتاب مقطع مضحك و كان حولي أحد أضحك عادي قاعدة أعبر عن شعوري ! لا تكبتين أي شيء
ما أقول لا تحسين بشيء و لا تتأثر نفسيتك أبد ! لا بالعكس فيه أشياء كثيرة تضيق صدورنا و يا ما عصبنا أو حزنا على أشياء ما نقدر نسيطر عليها ، بس أنتي حاولي باللي تقدرين

/

النقطة الثانية و اللي كثير يغفل عنها للأسف و أنا أولهم موضوع الأكل !
مستوعبين قد أيش هالشيء مهم و نقطة أكبر من مهمة حتى !
الزيوت ، الحلويات و الـ junk food هذي كلها و الله دمار < علمي نفسك

مرة تأثر و تجيب العيد ، تطلع حبوب الدنيا فنحاول ناكل منها بإقتصاد ما نحرم نفسنا من شيء نحبه و بنفس الوقت مو بالدرجة اللي تضرنا

كلي فواكه ، خضار ، سلطة .. حطيها بجدولك اليومي و حاولي كل يوم تاكلين وحدة من هالأشياء عالأقل ! و عاقبي نفسك لو أكلتي شيء مو كويس أكثر من الحد اللي سويتيه لنفسك ، تربية النفس مرة صعبة بس نتايجها أكبر من بيرفكت .

احب اقولكم انه منقول لاني أبي أفيد و أستفيد أي وحدة عندها أي تعليق على أي مستحضر ، إضافة لموضوعي ترا أفرح كثيير
خير الكلام ما قل و دل ، الحمدلله إن أصبت فمن الله و إن أخطأت فمن نفسي و الشيطان