بشرتيي صارت روعة وانا كتييييييير مبسوطة :)

صراحة المنتدى بجنن وعنجد البنات غير شكل والمواضيع مميزة كتير وحبيت اشارككم بشي جديد عملتو لبشرتي وفعلا حست فرق واضح

قبل فترة طلعنا رحلة وصراحة بشرتي نحرقت من الشمس وصارت تقشر وطبع حمرا يعني من الاخر مأساة وانا بالحقيقة مابستعمل ايا شي ولا حتى ميك اب بشرتي طبيعتها فاتحة كتير وناعمة لكن الرحلة والشمس خربو الدني … المهم انا مابحب استعمل كريمات ابدا وخلطات مالي طولة بال عليهم
رحت ع الصيدلية وجبت جل peeling من ماركة نيتروجينا ديب كلين وجبت زيت لوز حلو وزيت الجوجوبا …الجل مكتوب عليه ازالة للقشرة الخارجية بتلاتين ثانية والاستعمال مرتين بالاسبوع
انا بمانو بشرتي عم تقشر من حرقة الشمس قلي الدكتور استخدمي كل يوم لمدة اسبوع انا استعملتو يوميا…. قبل ماانام بغسل بصابونة من نفس الماركة بعدين بحط الجل وبحركة دائرية خفيفة على الوجه مدة تلاتين ثانية وبغسل وجهي وبعدين بعمل مساج بزيت اللوز وزيت الجوجوبا وبنام وعنجد بس اصحى الصبح بحس بشرتي فيها بريق بجننن
والله من غير مبالغة من اول مرة حسيت فرق واضح وبعد اسبوع رجعت بشرتي لطبيعتها الحمد لله ومابدي اكتر من هيك وهلا عم بستعلمو مرة وحدة اخر الاسبوع حتى اتخلص من كل القشرة الخارجية المتضررة من الشمس واثار الحبوب الصغيرة هو اول ماتحطي بتحسي بالقشرة عم تفرك مع الجل وتطلع وسعروو في متناول الجميع والحمد لله راضية عن النتيجة
جربو ومارح تخسرووو بالعكس بتحسو بشرتكم رجعت زي البيبي واحلى