عالم البنات النسائي كل ما يخص المرأة العربية من ازياء وجمال والحياة الزوجية والمطبخ
شخباركم فراشات انشالله بخير…
حبيت اعلمكم على طريقة قديمة ومعروفة لجمال البشرة بس من سهولتها وكثرة ذكرها مانفتكر فيها وانا جربتها ايام قليلة (اقل من اسبوع) وبشرتي صايرة حلوة ناعمة وصافية وحتى الحبوب اللي كانت تطلع لي ايام الدورة ماطلعت اخر مرة واذا احف وجهي كان يطلع حبوب ومن كم يوم حفيت وماطلع لي حبوب.. اقولكم توني غاسلة وجهي طالعته في المرايا ولاحظت صافي ووردي ومشرق وعجييب مع اني ماستمريت على الوصفة ومتأكدة 100% اني اذا استمريت عليها بحصل نتيجة فعالة وقلت لازم اقول للفراشات لأنهم هم ماقصروا وانا اخذتها من المنتدى… وهي:
روب + خيار مبروش + حليب بودر
وطريقتي هي كانت:
1. اغسل وجهي بصابون اطفال (بيبي جونسون الأبيض)
2.احط قناع الروب والخيار (عندي جاهزه بالثلاجة علبة بلاستيك مع غطاها فيها ملة روب وخيارة مبروشة) واتركه على وجهي ساعة لين ماينشف واحس بشرتي تشربته واغسله وامسح ماء ورد
هذي الطريقة ناوية استمر عليها لأنها مامنها مضار ومضمونة وانا بشرتي دهنية عشان كذا استعمل صابونة اطفال حتى لو اغسل وجهي 10 مرات فيها مايأثر لأنها خفيفة وطبيعية ومصنوعة خصيصا للأطفال حديثي الولادة يعني ناعمة على البشرة وماتجففها..
والروب والخيار من زمان يستخدمونه والروب يفتح البشرة والخيار ملطف لحروق الشمس وانا اخترت هالخلطة لأنها فيها خيار وانا اخاف على بشرتي من الشمس خصوصا مع بدء الجامعة..
واحيان بعد ما اغسل وجهي اعمل مساج بزيت اللوز الحلو واتركه ساعة واغسله على حسب المزاج..
بس الصراحة بشرتي احسها متغيرة لأن كانت قبل فيها حبوب خفيفة وسواد (حروق شمس) كانت شاحبة واحد اسباب شحوبها اني تغذيتي السيئة والحين تحسنت مع اني ماكل عدل بحاول استمر على هالطريقة واعدل من نظامي الغذائي
افضل من الكريمات اللي فيها مضار والخلطات اللي فيها مقادير كثيرة لأني تعبت من التجارب تعبت وناوية استمر على هالخلطة لسهولتها وامانها وضمانها….
اسفة على الاطالة……………
