بطلع من النفاس وانا ماقلت لكم سالفة ولادتي

السلام عليكم يااحلا قسم >> من جنبه بس ادري ادري اني مغبره اللي ولدوا عقبي نزلوا سواليف ولادتهم وانا قاعده
بس اللي عقبي كانوا بكريات مو عندهم بزران >> اي هين 😛

المهم الشاحن يبي يخلص وبقولكم عن قصة ولادتي
طبعا انا من عدتني الدوره وانا خااااااايفه ومرعوبه من الولاده
مجربتها قبل ومجربه تعبها وكل همي بس اذا جا الشهر التاسع وش بصير من الخوف
بس حمد لله ربي سبحان الله ينزل الراحه للانسان
المهم كنت يوم الثلاثاء جالسه وفجأه حسي بالم قوييه ومنطقة العظمه مرره توجعني انا متت خووف
قلت بسبح ولو ماخف اشوف وماش ماخف انسدحت وجاني النوم ونمت قمت الساعه سبع الا وانا طبه مافيني شي
رحت الاربعاء لاهلي وتعيت واستانسنا بالعاده اسهر لين حول الفجر بس هالمره رجعت مبكره بعدين يوم جت الساعه 3 حسيت بالنغزات رجعت قلت يابنت نامي لو هو طلق مانتي نايمه من الوجع
نمت واقوم اصلي الفجر الا واحس بالنغزات ماراحت وصليت وجسلست شوي ماجان النوم الا وتزيد شوي بس مو منتظمه وادخل التجمع واسولف ولا فيه احد كان كلن نايم
وشوي الا تزيد صرت مااقدر امشي لاجت
وهالحين صرت اطبق نصيحه الم وعشناه ياحبي له كنت اتذكره وهي تقول وانا بالشارع اسويها واضحك واقل شكلي بسويها وسيتها بس بالمستشفى هههه لا جت الطلقه اخذت وضع القرفصاء ولا راحت دخلت الثياب بالدولاب وجهزت ورحت البس ولدي بسرعه وارضعه عشان مايجوع وانا اضمه واصيييييييح
>> طبعا كل هذا وزوجي نايم
اخر شي قلت قوميه يابنت خلاص
واصحيه ويتجهز
وانا اقول اصبر ماابي اروح ماابي >> اكره ريحة المستشفى واكره الجهاز اللي يلصقونه ببطني واكره ابرة المغذي
يوم جت الساعه تسع وخلاااااااااااااااص صرت اصارخ مااقدر اشيل روحي واروح للمستشفى وحمودي خايف يقول بابا ماما >> انا اشوف ولدي واصييح
وادخل بسررررعه للمستشفى واقول يارب من 5 سم وفوق يارب ماابي اتحطم مثل حمودي رحت وصار 1 سم
طبعا بسرعه رحت ودخلت وقاست قالت 6 سم
وانا افررح واقول الحمد لله الحمد لله >> حسيتهم يقولون وشي هذي تفرح وهي لسا ماولدت
وادخل الغرفه
طبعا وانا على السرير طايرين ويقولون 6 سم جهزو غرفة الولاده
واشوف ولدي من بعيد هايم لحاله زوجي يركض يسوي اوراقي وحمدي يدور لحاله ➡
قمت دقيت عليه قلت انتبه >> لانه مايمديه اوديه لأهلي المستشفى اقرب لبتيي وبعدين عجزت اتحمل من التعب اني اتمشور
وادخل وقالوا لي غيري وانا بوسط السيب بروح اغير لبسي وتجيني الطلقه واخذ وضع القرفصاء >> شكلي يضحك ههه
والممرضات شافوا عندي سالفه لاني اخذ تمارين التنفس والقرفصاء صاروا يساعدوني لانها مرره مهمه
وطبعا حطو فيني هالاجهزه الكئيبه بس يارب لك الحمد ماجلست ساعه لاني طلق كان حامي وحاار الا والجنين يدفع وانا اتنفس واناديهم بيي بوووووش ويجون يركضن وصار فعلا ولاده حمد لله
وبسررعه ادف وادف جلست حوالي ربع ساعه ا اقل شوي والحمد لله تطلع من فضل ربي وانا يوم زحرت اخر زحره ونطلع تصارخ قمت اصارخ من الفرحه واقول حمد لله ياااااارب مو مصدقه اني ولدت بالسلامه
واشكر ربي واشوف بنتي يارب لك الحمد ولادتي كانت ميسره بفضل ربي
واتصل على امي واقوله وتنهبل لاني حمودي جلس مع ابوه قال لو اذن الظهر وانتي ماولدتي بوديه بس حمد لله مااحتجت اطباء ولا احد ربي طلعه وولدني
كنت ارجع عند استشاري وادعي ربي اني مااحتاجه وقت الولاده ونو ربي ييسرها لي الحمد لله
ابس والله ولادة البنت تجننننننن ولدي تعبت معه مرررره كان طلقه حااااار وطويل
اللي ابي اقولكم عليه مو اذا وصلتوآ مرحلة الولاده تقولون ابي هذا يحرض ومدري ايش
انا بنفسي ارجع عند استشاري كبييير وقلت له يادكتور ابي اولد وش اخذ قال احسن شيي المشي والجمااااع >> كذا قالها
وفعلا صدق كلامه 😐
وتوكلوا على رب العباد بالولاده والله انه هو اللي يولد مغيره
انا والله اني حسيت الراس يبي يطلع والطبيبه ماجت 😆 hy:
حمد لله يارب
ولاتسعجلون ع الولاده ترا بتتمنونها ببطونكم من الشقا
وادعو لي ربي يقومني بالسلامه ويطلعني من تالي شره >> كلمة الناس اذا جو
والله يسر لكم ولادتكم يارب

نسيت اقولكم تمارين النفس مرررره مهمه وبحثوا عنها وشوفوا قبل الولاده واثناء الولاده