#بعد الإجهاض فحص الحمل ايجابي#

السلام عليكم ورحمة الله وبركاته كيفكم كروشات ؟؟ وكيف الحمل معاكم المهم جايتكم وانا محتارة وابي منكم تطمنوني انا كنت حامل او لسه حامل والله ما ادري المهم انا بشرح الموضوع من طق طق لسلام عليكم وانتظر ردودكم يوم الثلاثاء اللي فات بدأ ينزل مني دم وكان حملي بالأسبوع الرابع المهم انا خفت ورحت للدكتورة وعطتني ابرة تثبيت وحبوب ديفاستون وصباح الاربعاء كان الدم زايد نسبيا رحت للدكتورة الصباح وشافت كيس الجنين ولقته موجود ومو متحرك وقالت ما بفحصك داخلي لإن الحمل ممكن يثبت انتي توكلي على الله المهم رجعت للبيت ومافي خمس دقايق وقطعه نزلت مني بدون اي آلام ولو اني ما انتبهت لها ما حسيت فيها وهي نازله المهم اخذت القطعه وحطيتها بعلبه بمويه قلت باخذها لدكتورتي بكرة لإني كانت ما خذه موعد يوم الخميس المهم (علما بإني سبق لي الإجهاض والإجهاض الأول جاتني آلم دورة واقوى شويه وتمسك في اسفل ظهري) بس الإجهاض هذا ابدا ما جتني الام لا قبل الإجهاض ولا بعده المهم رحت يوم الخميس للدكتورة وقالت كويس انك جبتي القطعه علشان نسويلها مزرعه ونعرف ايش هي وانتي روحي سوي فحص حمل وفحص لنوع من انواع الفايروس يكون لا قدر الله موجود بالدم هو اللي يسبب الإجهاض المتكرر المهم رحت وسويت فحص الحمل بس ما انتظرته روحت انا وزوجي وعطتنا الدكتورة موعد اليوم ورحنا لها اليوم تقول ان فحص الحمل طالع بوزيتف ………. قلت نعم قالت فحص الحمل طالع عندك بوزيتيف (علما بإني في بداية حملي سويت 3 مرات فحص حمل ويطلع ويك بوزيتيف يعني حمل ضعيف والحين بعد الإجهاض يطلع بوزيتيف كيف والله اني مو عارفه افكر ………. الدكتورة تقول خايفه يكون عندك حامل خارج الرحم قلتلها انا ما عندي آلام ولا شي قالتلي هالشي يطمن المهم خلتني اسوي فحص حمل كمي وقالتلي على اساسه نقرر شو نسوي …………………. ؟؟؟؟؟؟؟؟ الحين انا قلت قصتي بالتفصيل انتظر منكم اي وحده تطمني