بعد التجربة … تعالي ياعروس اخبرك كيف ترتبي شنطة الفندق و شنطة السفر

مرحبا ياعروسات …

من دون مقدمات طويلة عريضة انا سبق و نزلت مشاركة في موضوع بيت الهناء عن هالشغلة
فاللي قرأتها اكيد راح تلاقيها مألوفة ..

لكني رجعت فكرت و لقيت انه ممكن تضيع المشاركة بين الصفحات زي ما يحصل كثير وما يستفيدوا منها العرايس .. وانا غرضي الأساسي هو انكم تستفيدوا ياحلوات
عشان كدا قررت انزله كموضوع منفصل .. منها يفيد اكبر عدد من عرايسنا الحبيبات
ومنها الاقي منكم دعاوي حلوة … فهيا اقرأوا الموضوع ولا اوصيكم
بالدعاااااااااااااااااء لي ولكل العرايس و كمان للصبايا اللي على وش زواج 😐

راح ابدا بتجهيز شنطة الفندق .. وهاي للي راح تنزل بفندق كام يوم قبل لا تسافر
شهر العسل

كنت راح اقعد بالفندق لمدة يومين يعني الجمعة و السبت و صباح الأحد عملت خروج يعني ما بت بالفندق الأحد
طبعا الشنطة بتكون اصغر شنطة بطقم شنطك او الحجم اللي عادة يسمحون تشيليه بالطيارة (غالبا تكفي )
شوفوا يالغاليات .. الوضع حسب كل عروس .. يعني فيه شغلات متوفرة بـ 80% من الفنادق 5 نجوم او ممكن تطلبيها منهم لو ما لقيتيها
مثل : الاستشوار – فرشة الأسنان و المعجون – شاور جل و صابون و مرطب جسم – سليبرات يعني الله يعزك الصندل الخفيف اللي
تدورين فيه بالغرفة او تستخدميه بالحمام وكمان فيه بنات ما تحب تنام بشرشف الفندق او تستخدم ارواب حماماتهم الله يكرمكم
فهاي الحلوة تسوي حسابها على كذا الله يعينها

نجي لأفضل طريقة لترتيب شنطة الفندق ( 1-4) أيام :
قمصان النوم …. حسب عدد الأيام ( انا فصلت قميص اول ليلة بعلبه خارج الشنطة و غلفتها بالتل و حطيتها بكيس مع شنطة يدي الجديدة )
الأندروير ….. كمان يعتمد على عدد الأيام + برا مناسبة للبس خروجك من الفندق يعني مثلا بحمالات شفافة اذا كان لبسك توب او مثلا 7 برا من ناعومي (هاذي اللي اخذتها)
ملابس الفندق … يعني اللي بتلبسينها بس تصحي من النوم وتاخذي الشور مثلا شورتات او تنانير قصيرة او حتى فساتين ناعمة خذي لك 2 كفاية حتى لو بتقعدي 4 ايام تكفي
ملابس خروج … هاي بتنفعك يوم تعملوا خروج من الفندق وممكن تكون جينز و بلوزة او فستان على راحتك ولو حتى شكيتي ان احد ممكن يزوركم خلال فترة تواجدكم في الفندق برضه البسيها نفسها لأنه غالبا هالشي ما راح يصير
الموهم لا تاخذي غير لبس واحد للخروج
عبايتك … في حال استخدمتي عباة العروس راح تحتاجي عباية تانية للخروج
جزمة للخروج …… لانك بتروحي الفندق بجزمة العروس و طبعا ما ينفع تخرجي بيها تاني
شراريب … لوكنتي مثلي تبردي بالفندق لان السليبرات ما تدفي

نجي الحين لشنطة الحمام (الله يكرمكم) الصغيرة وفيها :
شامبو الشعر +البلسم + الشارو جل + كريم الجسم >>>> اختياري وممكن لو حبيتي تكتفي باللي بالفندق
فرشة اسنان + معجون >>>> كمان اختياري وممكن تستخدمي اللي بالفندق
ادوات ازالة الشعر >>> للناس اللي زيي متشككة و تستخدم الحلاقة مو النتف
بودرة جونسون و زيت الأطفال و مسك + مزيل عرق >>> بعد الحمام للريحة
غسول كير فري الحميم و مناديل كيرفري >>> الغسول مرة وحدة الصبح او قبل النوم
اما المناديل بعد كل استخدام للحمام اعزكم الله
2 فوط للدورة + 3 فوط يومية خفيفة >>>> لا تقولي ما احتاجها الاحتياط وااااجب
طبعا العناية بالجسم تحتاج اكثر من هالأشياء بس احنا نتكلم عن كم يوم بس عشان كذا نكتفي بهالأشياء

شنطة ( التسريحة) كمان صغيرة
مشط او فرشاة شعر
بنس و شباصة و بكلة للشعر
خمرية الشعر
كريم الشعر
مناديا ازالة المكياج
طلاء اظافر >> انا من عشااااقه عشان كدا اخذت لون فوشي مناسب لملابس الفندق
مناديل ازالة طلاء الأظافر
خمرية للشعر >>>> تحطيها بشعرك بعد الشور تجنننننننننن
اكسسوار خفيف للفندق >>> يعني سلسال – خلخال حلقان و اسوارة عشان ما تضطري تلبسي ذهب
ولاسمح الله يطيح منك والا شي .. خلي الذهب للزيارات بس


لا تنسي مهمممممممممممممممم …. سجادة صلاة وشرشف صلاتك

ممممم ان شاء الله ما اكون نسيت شي لكن غالبا هاي هي تجهيزات شنطة الفندق
اول شي تعطيييييييييير الشنطة و بعدها تحطي فيها الملابس و الأندروير و القمصان و سجادتك و الشرشف
و العباة والحذاء ( اكرمكم الله) و بعد كدا ترصي شنطة الحمام والتسريحة فوق اخر شي

اذا فيه مكان تحطي شنطة يدك .. لأنك غالبا ما راح تاخذيها بليلة الفرح فجهزيها من قبل وارميها
بشنطة الفندق ولما تطلعي من الفندق تكوني مستعدة و شنطة يدك معاكي
فيها :
محفظتك – نظاراتك الشمسية – عطرك – شنطة المكياج الخفيفه – مناديل خفيفة للشنطة
جوالك ( انا يومها بالقاعة خليت زوجي يحطه بجيبه مع جواله لأني ما قدرت استغني عنه )
شاحن الجوال – كريم مرطب – حلاوة لتعطير رائحة الفم – علبه صغيرة فيها ذهب للبس (ضروري لأنك يابتطلعي بيت اهلك وتشوفي اهلك او بيت اهله و في الحالتين لالالالالالالازم تكوني
لابسة ذهبك ما يصير عروس تطل اول مرة بلا ذهبها !!!

نجي لشنطة المكياج الخفيف اللي تكون بداخل شنطة يدك (للي مو متعودة على هالشي ) تحتوي على :
نوعين روج واحد قريب بنك ناعم لتوريد لون الشفايف وواحد لونه شوي قوي
قلوس شفاف ينفع لكل انواع الأرواج
علبة ظلال خفيفة (4 الوان)
بودرة مضغوطة
احمر خدود بينك او اي لون مفضل
قلم كحل اسود
قلم حواجب
المرايا غاليا تكون في علبة الظل او البودرة المضغوطة

والان كدا باذن الله تكوني قفلتي شنطة الفندق و راح يكون الموضوع الاتي شنطة السفر