بعد ثلاث ايام

بعد ثلاث ايام والحمدلله على كل حال كلامي خاص للمتزوجات الامهات العزوبيات والبكريات لايدخلن هذاني حذرتكن
بعد ثلاث ايام من التعب ولدت وابي احكي وافضفض لكن عن قصة ولادتي
من اول ماتزوجت اعتمرت ودعيت ربي انه يسهل علي الحمل واحمل بسرعه وبعد شهر من الدعاء حملت وتعبني الحمل كثيييييييييييييييييير الوحم كان مكرهني حياتي كل شي فيه ريحة واللي زاد الطين بلة ان المشيمة كانت نازلة والحبل السري قريب من رقبة البيبي وكنت بعيدة عن اهلي وبيتي بالدور الثالث ونفسيتي عدم في الشهر الخامس زاد التعب وصار يغمى علي خاف علي زوجي وقال بنومك لين تولدين طبعا انا عندي عقدة من المستشفيات مااحبها رفضت وقلت بروح لاهلي لين اولد المشكلة اهلي في قرية والمستشفيات مافيها عناية ابدا لكني رحت بعد الحاح مني وصرت اراجع واقراء عند الشيخ لين ارتفعت نص المشيمة وبقى طرف منها ممتد للاسفل قالوا ولادتك بتكون قيصري لان المشيمة اذا نزلت قبل البيبي بيكون في خطر والاكسجين عندي ضعيف المهم عشت الشهور وانا بكابوس بيشقون بطني … كيف اقدر اقوم ….الخ
لما دخلت الشهر التاسع صرت ادوخ واتعب اذا مشيت وينقطع نفسي والحرقان ذبحني والبقوس صارت قوية فرحت لما قالت الدكتورة بنت ونزلت السوق مع امي على كثر تعبي ابي اقضي لها وقضيت وقتي افكر واحلم فيها واتخيلها بعد مانتصف الشهر التاسع جاني الم قوي فجئة ثواني ويروح وكل يوم يزيد وبيوم سحبت شنطة ملابسي كنت مجهزتها للولادة وابيها تكون قريبة من العباية عشان اول ماتعب اروح للمستشفى وماانسى اخذ الشنطة فجئة حسيت شي نزل قلت يمكن افرازات لانه من بداية الحمل جاتني افرازات عطتني الدكتورة غسول ومرهم زودها علي بدال مايعالجها لكن هالمرة شي كثير ينزل رحت الحمام وانتم بكرامة شفت مويات كثير وانا قارية في هذا المنتدى ان اعراض الولادة مويات كثيرة المهم رحت المستشفى على طول لما جيت مالقيت احد لاممرضات ولادكاترة رحت الطوارئ نفس الشي ورحت الحمام اغير الفوطة تعدمت شفت دم خفت كثير ونفس الوقت فرحت ان بنتي بتجي تملى علي حياتي قلت لزوجي وبسرعه رحت الطايف قالوا ان نبض الجنين مضطرب وولادتي مو اليوم ولااستعجل عليها رجعت الديرة وانا تعبانه مررررة والتعب يزيد والطلق يقوى اليوم الثاني من الساعه 3 الفجر وانا بسيب المستشفى امشي وعمتي ام زوجي تقول لاتجلسين امشي عشان تولدين طبيعي وانا سمعت كلامها ومشيت وانا رجولي بتتكسر وتعبانه ومانمت المهم الساعه 9 او 10 قلت خلاص بروح البيت واولد فيه لان مافي عناية ولماتكشف علي من دون رحمة ومافي بنج وشفت المشارط والمقصات طار قلبي وهي كل شوي تكشف وتقول 2 سم وبعدها تقول 1 سم او تقول قفل بعد البكاء والتوسلات رجعني زوجي للبيت عند اهله وكانت امه معي وانا مابيها تكون معي ابي امي بس وهي كل شوي داخله للغرفة وتسال عني وانا تضايقت كثير منها وبعدها رجعت وصرت التوي من الالم لين الساعه 12 باليل قلت له ابي اروح لاهلي وبعد طلعت روح وداني وحلف علي لو اروح المستشفى من وراه ان يزعل ومدري وش عشان امه طبعا المهم رحت لاهلي امي تسالني فيك شي وانا اقول لا بس حرقان والساعه 5 الفجر صرخت من الالم جات امي لقتني استفرغ طبعا هي متعودة تشوفني بهالحال لان الوحم ماسك معي خط بس شافتني امسك بطني وظهري واضغط على رجولي نادت ابوي قلت لامي مابي احد يدري اني بولد عشان ماتتعسر ولادتي قالت طيب ورحت للمستشفى الخايس لما كشفت قالت 2 سم ولازم تنويم قلت لها البيبي تعبان قالت مو مشكلة اذا فيه يموت جيب واحد ثاني قهرتني بس من الالم ماقدرت اتضارب معها طلبت تحويل رفضوا رحت مع اخوي ولما اتصل زوجي قلت له قال انتظروني وعلى طول قال لامه الله يهديه وهي بدورها نشرتها بين الناس وصلت الطايف الساعه 7 ونص قالت 3 سم ولبستني ملابس مرعبة وسوت لي قصطرة بختصار سوت الازم جلست امشي قالت لا لاتمشين يتعب الطفل كنت اجلس شوي ثم ارجع امشي قامت سكرت علي سور السرير وحطت جهاز القلب والطلق ومغذي وراحت
الساعه 12 قلت ابي موية جوعانه رفضوا يعطوني شي جابت لي امي عسل وتمر عشان تسهل الولادة وموية مقري فيها ادعية تيسر الولادة لكن سبحان الله مايصير الا اللي كاتبة ربي وربي كتب اني اشوف الموت بعيوني كل دقيقه 60 مرة رفضوا اني اكل او اشرب قالت الممرضة مافي ا كل ومنعت امي تدخل سئلتها كم سم قالت 4 بغيت اموت جلست ابكي ابي اولد بسرعه وارتاح جات بمغذي ثاني ومن يوم حطته مسكني زلزال هز لي جسمي هز جلست انتفض بشكل غريب عرفت بالاخير انه طلق صناعي الساعه 6 المغرب قالت 7 سم قعدت ابوس يدها وابكي اقول شقي بطني بموت من الالم جابت لي ابرة مسكن وقالت لا بتولدين طبيعي وراحت اتصلت على امي وزوجي ابكي واصارخ شقوا بطني معد اقدر اتحمل امي كانت تبكي وتدعي وزوجي يقول اصبري حقدت عليه كل هذا عشان امه ماراحت معي المهم جابت لي الممرضة شرشفين احس ابي بردانه
الساعه 8 قالت 9 ونص سم جالست ادف قالت لا لسه وانا ادف مدري شلون بس احس بضغط على اخر ظهري قالت 10 يالله دفي اكتمي نفسك ولاتصيحين مسكت دموعي بس صراخي ماقدرت كان الم فضيع مسكت رجولي مثل ماقالت الدكتورة وبديت اسمع كلامها بس كان الموضوع صعب لان الحوض كان ضيق سوت لي توسعه ومن الالم اغمى علي جلسوا يصحون فيني تسكر الرحم 1 سم صاروا ممرضتين يضغطون على بطني والدكتورة والاستشارية عند رجولي حطت لي اكسجين منوم وجابوا الت الشفط وشفطوا بنتي حطوها على صدري حاولت افتح عيني اشوفها ماقدرت اغمى علي مرة ثانية شالوها بسرعه مخنوقه شرقت بالمويات وبلعت دم والاكسجين ضعيف جدا عندها
اخذوها وودوها عني
جاتني ممرضة تصحيني تقول مافي نوم وانا ميته هلكانه قالت كحي غمضت عيوني ابي ارتاح وهي تقول يالله ننزل مشيمة كحي ماقدرت اكح ضغطت على بطني وانا احاول اكح ونزلت المشيمة وبدت التعذيب ممرضة ثانية صحتني من الغفوة بالخياطة ربطت رجولي ويديني وجلست تخيط وانا ابكي واتوسل لها خلاص قالت الدكتورة التوسعه كبيرة والخياطة داخلية وخارجية عطتني ابرتين وبخت علي بخاخ وجلست تخيط وبعد ماخلصت هانت الدنيا بعيني سئلت الدكتورة عن بنتي قالت بالحضانة قلت ابي امي قالت لما تخلص المغذية تشوفينها
الساعه 12 باليل ناديت الممرضة قلت ابي موية ابل ريقي جابت لي ماء بارد وعشاء بارد غصبت نفسي على كم لقمة وطلبت اشوف امي سمعت صوتها عند الباب مبحوح من البكاء والتوسلات قلت طلعوني قالت لسة باقي رفضت اجلست طلعت على التنويم وجاتني امي سئلتها عن زوجي قالت مع بنتك قلت وين قالت بالهداء !!!
وقف قلبي الهداء اخس مستشفى عندي اكرهه خنقتني العبرة ليش قالت الحضانة مليانه وودوها الهداء كانت تبي تطمني اليوم الثاني عرفت انها على الاجهزه اكسجين وليات ومغذيات وحاطينها بالعناية المركزة كانت امي تعبانه مابغيت ابكي قدامها سويت نفسي قوية وانا من الداخل محروقة طلعت من المستشفى وبنتي كل يوم يقولون بعد اسبوع او اسبوعين زوارتها وانا اسحب رجلي من الخياطة وربي الواحد يعرف وش كثر انا تعبانه واهلي يخاصموني المسافه بعيدة والسيارة تتعبني بس كله يهون لعيون بنتي زوجي يرفض اروح يقول احلبي بعلب اوديها انت تعبانه بس انا انسى التعب لما اشوفها شكلها بالاجهزة يقطع القلب اتمنى انكم تدعون لها بالشفى وترجع لي بالسلامة الخياطة انفكت وذابحتني ومابي اروح اخيطها من جديد طيروا عقلي معد ابي لهم شوفه وهذي قصتي بختصار وسلامتكم