بعد مافرحوني بالعريس ارجعوا نكدوا علي عيشتي

بس بقول لكم بعد قصتي انا مقهوره من الحركه ومتضايقه ومكسور خاطري لاتقولون اختك كانك انتي انا اعرف بس ولو كل بنت تبي تعرس وتبي تستقر عاد سواء كانت صغيره ولا كبيره و الوحده ينكسر خاطرها من الحركه صدقوني وربي مااكذب عليكم خلاص كرهت الكل وكرهت كل من حولي وماابي اي شيئ من الدنيا خلاص استغفر الله احس لو جاني زوج يمكن بيصير شيئ حظي مو كويس ابداا بالدنيا

الموهم امس انا جاني عريس على اساس انه لي ومسمى لي ويبي بنت اصغر منه وكل شيئ اوكي امي قالت لي وخلاص فرحت والله اني بتزوج وانا عمري هاللحين داخله 31 سنة واول عريس يجيني كل شيئ فيه اوكي ولا كل اللي قبله يامرضى يا عاطلين يا متزوجين

والمشكله كلن يقول قدام وجهي نتمنى اختك الكبيره اللي عمرها 31 وداخله32 هي اللي تتزوج قبلك لانها الكبيره وش دعوى الفرق كله سنه يقولون مانبي ينكسر خاطرها وهي الكبيره يعني هاللحين بعد في هالعمر تبون تنتظرون لمتى؟ للين ادخل 40 ولا 50 سنه ووش ينكسر خاطرها هذا شيئ ربي كاتبه قبل ماانولد وانا ببطن امي وماتمنع لا هي ولا غيرها شيئ ربي كاتبه ابدا وتصدقون كل ماجاء احد يشوفوني قامت تتهاوش وتزعل وماتكلم احد ابدا بالشهر والشهرين لحتى يطيرون العرسان بعدها تفرح وترجع زي ماهي ياربي صرت انقهر منها مو لهالدرجه الغيره! حنا اخوات ؟:D
الموهم هذولي بعد ماجاوا يخطبون غيروا رايهم اليوم الجمعة قالوا لا نبي الكبيره ليه كذا بعد مافرحوني غيروا رايهم طيب انت قبل قلت تبي اصغر منك بكم سنه مو تحت بسنه
وربي اني مقهوره وفيني العبره خانقتني هاللحين الكل بيتشمت فيني لا وبعد بيقولون احسن احنا مانبيك تتزوجين قبل الكبيره
والله اني متحطمه حييل ومنكسر خاطري بعد يعني كل مره لمن ابي افرح ارجع ابكي وبحرقه بعد الحمدلله على كل حال بس والله اني نفسي الله ياخذني وارتاح من الدنيا اللي ظالمتني