بعض اغراضي بنص السعر جديده واقل من نص السعر مستعمله مره او مرتين

ذا صورت الماركه …
القطعه الثانيه بلوزه من كاش كاش ما يحتاج اقول لكم عن الماركه بعد البلوزه ذي والله قمه في الروعه بس برضو التصوير مو مبينها زين فيها لون ذهبي خفيف مو واضح زي الخطوط روعه بالبس فيها كسره تحت الصدر وكسره من الضهر .. سمو للمديم لانها تنمط خخخخخخخخخخخخخ

ذي صوره الماركه ….
http://www.m5zn.com/uploads/2010/11/…1f4fy31ejg.jpg
انا شاريتها بميه ريال او فوق بعد بس الحين ما عد لقيتها بالمحل …. ابي فيها 40 ريال لاني لبستها اربع او خمس مرات بس جديييييييييييييييييييييييييييييييييييييده والله
ذا توب من بيرشكا خطير خطيييييييييييييييير واتعب وانا اقول شيك ذا التوب بس برضو الصور مي موضحه الالوان زين لبسته مره وحده بس لانه حيل ضيق علي …. شريته بـ 90 او 100 ما اذكر بس ابي فيه 40 للمعلوميه ينلبس سموول بس …

وذا الماركه تبعه …
ونجي للتنوره ذي شريتها من زارا استرتش والله قريب شاريتها بس عشان الجامعه رفضت الميدي الترم ذا اشتريت طويله وذي قعدت بدولاب ….لبستها ثلاث مرات او اربع …. ابي فيها 50 ريال بس. طبعا سعرها معروف 119 …تنلبس سمول للمديم
http://www.m5zn.com/uploads/2010/11/…52d4c88jp9.jpg
ما يحتاج انزل صورت اسم الماركه الي ورا التنوره …
طيب اخر حاجه جزمه او فلات وانتم بكرامه جديد والله ما انلبست ولا مره شريتها من الرياض غليري بــ 149 ريال حلووووووه مره وشيك بشكل جنوني بس التصوير زفت طبعا حاولت قد ما اقدر اصور السعر لانه الستيكر موجود اسفل الجزمه وانتم بكرامه ما اقدرت اصوره يطلع مشوش … طبعا ابي فيها 50 بس

مقاس 36للي رجلها عريضه و37
والله يا بنات ما ابي ابيعها من عيب فيها لا والله بس محتاجه الفلوس …
وعندي فستان زواج والله فوق الخيييياااااال شريته من غرناطه مول اسم المحل ناسيته شريته بحدود 1000 ريال استعملته مرتين عشان كذا مستحيل البسه ابي فيه 400 ريال والله مو حقه وحق شكله الي تبي تشوفه بليييييييييييييييييييييز الجاده بس ومعه جزمه شريتها لاختي جديده بس ما عجبتها فما انلبست من نيو لوك بـ 70 ابي فيها 30 ريال كعب خفيف لونه مثل لون الفستان رصاصي ….. وكلها بتجيك مغسوله ومكويه وكلش يعني بتاخذينها اجدد من الجديده ….
انا من الرياض الي عجبها اي شي ترسل لي رساله ونتفاهم ع التوصيل وخارج الرياض بعد نتفاهم والف شكر للجميع ع حسن استماعكم