بـ اهتمامي انا احلى ..

بسم الله الرحمن الرحيم
طبعا يافراشاتي حبيت انزل لكم طريقتي فالعنايه بنفسي جدا بسييييط وسهل وموجود بكل بيت وله فايده
بس يبيله تشدين شوي على نفسك ~ ( 😥 )

———————

اهتمامي انا احلى

الوجه :
يوميا / قبل النوم الدوكين او الرتن أي ( اختياري ) + كريم اليكا + أي مرطب خاص للوجه ( انا استخدم سائل التجميل من يولاي مرطب ) .
اسبوعيا / قناع الفيد اب +مويه الورد او ماسك الدقيق مع الحليب (للبشره الدهنيه )
حسب المزاج/ تنظيف للبشره كل اسبوعين افضل حتى لو بالبيت .

الاكواع والركب والرجلين :
استخدم لها خلطة الجلسوليد يوميا لانها ماتضر وعادي مالها ريحه استعملها أي وقت

الرقبه :
اسكينول المخلوط مع النشا ( اخذتها من وحده هنا ذكرتها ماذكر اسمها جزاها الله خير ) + مرطب للبشره بس مسسسسح خفيف واخف من الخفيف لاتكثرون
احيانا / زيت زيتون
اسبوعيا/ خلطه الجليسوليد

الابط :
احيانا / زيت زيتون مع النشا +زيت زيتون
دائما مزيل العرق / الشبّه
وعند الاستعجال بخاخ ريكسونا في عدة روائح اختاري مايناسبك

الجسم :
احيانا / زيت زيتون كامل الجسم او + كريم التشققات
يوميا / مع الاستحمام الصابونه المغربيه + بيبي اويل
اسبوعيا / الاستحمام بالسدر واذا توفرت عندي الدلكه السودانيه استخدمها بس مو كثير
ع حسب

المنطقه الحساسه :
يوميا / الدوكين فورت + مرطب + اسكينول ونشا من يوم ليوم
اسبوعيا / زيت زيتون + ملح ( كـ مقشر )
طبعا ماننسى الغسول (مويه وملح)(سيباميد)(دوشيس اتش بي اتش)
الغسول الاخير 100% طبيعي صرفته لي الدكتوره لما كنت حامل وهو اعشاب خالصه وريحته منعشه
فوط كير فري اليوميه
المؤخره :
زيت زيتون والرتن أي بس مو دايم

الشعر :
مع الاستشوار:D:كلنا نعرف حركه الكوافيرات (تونك الفازلين + المويه ) عالجذور
ناويه باذن الله استخدم حبوب الزنك للشعر بس باخذ كل يومين حبه
حاليا / استخدم حبوب فيرومن لفقر الدم تعطي الحديد وتفيدني بس اخذها متقطع مو مواظبه
اسبوعيا / ماراح احدد لكم ماسك كل وحده وطبيعه شعرها
فاي وقت / زيت زيتون كزيت للشعر
اللي عندها زيت معين براحتها
واللي تحب اضافات على زيتها برضوا حره وبراحتها انا لو اضفت اضيف شوي حلبه وحبه سودا وفلفل بس هذا لو اضفت خخخخ———————-

هذي طريقتي :Dفالعنايه بس يابنات ماقولكم اني مطبقتها حرفيا عشان اكون صريحه معكم
يعني لابد افوت شي او انقص شي
واحسن شي انها متوفره بكل بيت لاغثا ولاتعب
اتمنى تعجبكم وياليت اللي تحب تمشي معاي تحفزني شوي عن الكسل اللي انا فيه
ترا كتبته طمعانه في دعواتكم 😥
لو تحبون اجيب لكم صورة لشي معين ماعندي مانع رغم ان كل شي واضح
مايحتاج لصور 
باقي شي واحد ماسويته
(الهالات السودا)
طبعا بستقعد لها بعدين لاروقت لها
بس هي اتوقع بطاطس ومويه ورد وعسل
البطاطس ايبسها ثم اطحنها لين تصير مثل العجينه
واخلطها مع البقيه
طبعا قريتها هنا بالمنتدى بس مدري من مين !!
عموما جزاها الله خير اللي كتبته