بكاء وتبول ما السبب ؟؟؟

عندي سؤالين ويا ليت تفيدوني

اول شي هم ولد وبنت في عمر الاربع سنوات
الولد يوميا يتبول على فراشه ولا اعرف كيف التصرف الصحيح معه طبعن كل يوم فرشته تتغير ولا نكلمه ولا نقول له شي بس اخر شي قلت يمكن التهديد ينفع يعني لو سويتها على نفسك رح احرمك مثلا من لعبة معينة هل هدا التصرف صحيح ولا لا ؟؟

وبالنسبة للبنت يوميا لازم تبكي على اتفه سبب تبكي وتقول كلااام كثير مثلا انتم ما تحبوني انا مااحبكم وتجلس تقريبا ساعة وهيا على دا الحال مع انه نتحاشا انه نزعلها بس حتى لو صار وما زعلناها تتحرش في اي احد عشان نخاصمها وتبدأ البكاء وماني عارفة كيف اتصرف معاها استعملنا معاها العقاب في انه نخليها في مكان معين ما نفع تجلس تبكي وتزيد استخدمت التطنيش برضه تستمر لما صرت اعصب من زعيقها وبكاها صرت اخاصمها برضه مافي فايدة احيانا امسكها واحضنها عشان تهدأ لكن ابدا برضه ما تتقبل اي شي ومحتارين ايش نعمل معاها

على فكرة امهم وابوهم منفصلين وهم عندنا اجازة الان لفترة بسيطة لكن حابة اعدل لهم سلوكهم قبل لا يروحو وماني عارفة كيف
يا ليت اللي عندها خبرة وصاير معاها نفس الشي او قرايبها يا ليت تفيدني الله يجزاكم خير