عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا بكرية وحامل في 5 اسابيع قبل امس العصر نزل علي دم بني ورحت المستشفى العسكري
واعطتني الدكتورة حبوب مسكنة وقالت لو نزل عليك دم غزير تعالي وفي الليل جاني الم فضيييييييييع
زي الم الدورة لكن اقوى منه الف مرة كنت احس ب انقباضات قوية في رحمي وظهري بينكسر من شدة الالم وعلى طول وداني زوجي مستشفى خاص وعند باب المستشفى نزل دم غزييييييير وكان نزيف
وعملت لي الدكتورة سونار وقالت تعالي الصباح نشوف لو مافي نبض يعني اجهاض وعطتني ابرتين في الورك والوريد ورحت البيت ولما وصلت صار الدم يزيدلدرجة تغرقت ملابسي ونزل على 3قطع دم قد الكف
واليوم رحت للمستشفى الخاص وكشفت بالسونار وقالت كيس الجنين انكمش وصار زي المستطيل ومابقي غير الكيس بس ينزل
وقالت للانك في الاسابيع الاولى يمكن ينزل لوحده وعطتني حبوب تساعد في انقباضات الرحم
طبعا ما اخذتها للاني للان الدم ينزل علي واحس ب الم قوي وربي صرت استغفر واتشهد من شدة الالم
احس روحي بتطلع يابنات وخفت اخذ الحبوب ويزيد الالم لانها قالت حيزيد الالم وخيرتني يا حبوب يا تعطيني طلق صناعي ورفضت الطلق
وعندي اسئلة ارجوكم جاوبوني ولكم دعوة مني في هر الغيب
س1/ انقباضات الرحم والم الظهر القوي اللي يشل الحركة من قوته هل هي طبيعية في الاجهاض؟
س2/ تنصحوني اخذ الحبوب ومين قد اخذتها بس ماحست ب الم؟
س3 ايش افضل مستشفى يسوي تنظيف الرحم
4/ وايش رايكم بالمستشفى العسكري في جدة كيف اهتمامهم ونظامهم مع الاجهاض
5/ هل فيه تنويم لما يسوون لي عملية تنظيف او لما يعطوني تحاميل وايش افضل الحبوب ولا العملية
لاني وحيدة ويتيمة وماعندي احد يتنوم معي
سامحوني لو كثرت اسئلتي ولكن وربي ماعندي احد اسئلة وبكرية ولا اعرف شيء
ارجوكم جاوبوني وبدعي لكم من كل قلبي
6/وهل لما يكون عمر الجنين شهر يعني بيكون شفيع لي ولا لازم يكون نفخت فيه الروح؟
