بكريه؟؟ وما تدرين شلون تجهزين؟؟ تعالي اعلمك

لا تتعدين الهرم اشكال تجنن وعمليه

بس مو للاستقبال لالا للبيت

واما الاستقبال خذيلك بلوزه فخمه اللي تجي طويله شوي وبنطلون هذي الموضه هالايام

والبيبي خذيله
اهم شي السرير خذيه من الربيع في طيبه مرررررررررره اشكال تجنن ورخيصه 250 وفيها وصدقيني لك وللزمن
بس خذي سرير
اما الباقي اصبري بعد النفاس اذا ما جاك هدايا اشتري هزازه وجلاسه واهم شيييييييييييي المحبس << برضو خذيه من الربيع ارخص واجود
وخرابيط الاطفال ………..

من سنتر بوينت كل اللي جاي :
البربتوزات الصغيره مره نيو بيبي ولا تكثرين 4 حبات كفايه خذي النوعيه الممتازه لك وللزمن تلقينها قطنيه وتتمغط لتحت تكفيه ليمن 3 شهور طبعا المقاس نيو بيبي
وخذي بعد 3مهادات اسالي عنها تلقينها قطن ناعم مرسوم باطرافها بطات او دببه او ………..حركتات
وبجامات تجي طقم 3 حبات مسكره من تحت
وفيه مفارش مررررررررره حلوه وعمليه وما انصحك بالمدسات خرطي ما تصلح
المهم خذيلك واحد خفيف << للبيت وواحد فخم <<< للطلعات بعدين
وصدارات تجي مع بعض مجموعه خذي اللي مدبله وصغار لانه توه صغنون
وفيه ملابس تجي طقم بالمفرش والقبعه والجزمه خذي لك واحد كافي اذا اضطريتي تقدمينه لام زوجك والاغيره لا تقدمين الطفل ابد
لاحد يشوفه قطعة لحمه حساسه وش يبون

والرضاعات بعد عندهم اشكال الوان خذيلك 3 ليمن 60 ملي شي للمويه وشي للتمرالممروس واليانسون وخرابيط النفاس وشي للحليب
وفيه عندهم شفاط الحليب من الصدر فيه اجهزه وفيه عادي خذيلك واحد عادي لان ما انصح بالشفاط الكهرب وعندك حليب كافي في صدرك
وبتلقين اشياء بتعجبك انتي ابخص عاد
وعلب لتعبئة الحليب للطلعات وفرشه لتنظيف الرضاعات

وان حصلتي فرهولات تجي قطعه وحده قطنيات خفيفه خذيلك 3 او 4 نيو بيبي
او خذيها من مذر كير للبيت < اشكال تجنن بعشرين مع التخفيضات
لا تكثرين بس احسبي حساب الاربعين بس ….
لانك ماتدرين يمكن تجيك ملابس هدايا واذا ما جاك لاحقه بعد النفاس تقضي ملابس للطلعات بس او حسب حاجت طفلك بعدين انتي ابخص
وخذي من مذر كير الشامبو والبودره وصابون الجسم للبيبي

اما الشنطه ما انصحك باللي تجي طقم حركه بايخه و قديمه وخاماتها خمبوقيه
شوفي النت فيه شنط اطفال روعه اسالي عنها قوقل /:P ب200 وفيها بس من جد مماركات وحركات

——————————
بعد النفاس:
عندك اوركسترا عندهم مفارش للطفل للطلعات جدا فخمه وروعه وعمليه ورخيصه خذيلك واحد ,, صارو اربعه مفارش1- الخفيف حق البيت 2- الفخم من سنتر بوينت 3- من اوركسترا 4- اللي بتاخذينه لتقديم البيبي بالنفاس كافياااااااات

وخذيله 5 قطع ملابس بالشراب او الجزمه كشخه للطلعات << اذا ما جاك هدايا لان البيبي بسرعه يكبر والجو بعد يتغير مره ربيعي ومره صيفي ومره شتوي عندك محلات الاطفال كلها تنقي بينهم تابالويا مذر كير اوركسترا ادمز اوكاايدي …………………الخ

—————————————-
وخذيله فوطه من الهرم للبيبي ارخص واجود
ولا تنسين مفرش الحشو لسرير الطفل او خذيله شي ناعم ينحط تحته بالسرير من الهرم

وش بعععععععععععععد

ايه صح والحفاظات والمناديل الرطبه للبيبي بعدين وانتي طالعه من المستشفى يمر زوجك وياخذ من الصيدليه وخذي مسحه طبيه تحتاجينها بعد
وخذيلك بعد انتي لا تنسين نفسك اللي تنحط فالصدر عشان ما يتسرب الحليب و خذي فوط لوتس مره عمليه وتتحمل ايام النفاس

فيه بالصيدليه الكلوتات اللي تجي شبك من جد خطييييييييييييييييييييييييييير ه ومريحه وتثبت الفوطه ما تتحرك
ولا ابدلها الا اذا بغيت اتروش مو لازم مع كل تغيير

ولاتنسين شامبو الملابس للبيبي عشان ما يتحسس خذيله ج كازانوفا بالبخور او اي شامبو ملابس يناسب

اذا ما جتك هديه عربة للطفل انصحك
بالهرم فيه عربات تجنن عمليه مره فيه اللي تجي وذفه وخيفه وقوويه وتتحمل ميب قرشعه

وفيه كبار فخمات والله …. من كيكو