بلح الشام**طبق مميز**

عملت بلح الشام وطلع رائع

المقادير
1 كوب دقيق
1كوب ماء
2 بيضة
ذرة ملح وسكر
ربع كوب زيت
فانيليا

مقادير الشربات
3 كوب سكر على كوب ماء وليمون (شربات ثقيل)نجهزة ونبرده قبل ما نبدأ تجهيز بلح الشام
(مقدار الشربات ده على 3 مقادير من مقدار بلح الشام اللى فوق)

الطريقة

الماء على النار معاه الزيت والملح والسكر لما يغلى نضيف الدقيق مرة واحد ونقلب جامد وبعدين لما يبرد نضيف بيضة وبيضة ونقلب جامد وما نحطش التانية الا لما الأولى تتقلب كويس ونضيف الفانيليا
ونقلب لغاية لما العجينة تعمل شكل المنقار نحطها في القمع( انا عملتها بقمع الكريمة عشان معنديش قمع بلح الشام طلعت رفيعة شوية بس جميلة)
نقطعها ونحطها في زيت بارد أهم حاجة أنه يكون بارد وبعدين نولع النار ونقلب لغاية لما ياخد اللون الذهبى ونحطه في الشربات البارد

جميلة بتقرمش من بره وطريه من جوة وهشة

في حفظ الله