عالم البنات النسائي كل ما يخص المرأة العربية من ازياء وجمال والحياة الزوجية والمطبخ
جايه افضفض لكم عن الي بقلبي
مثل ماتدرون ان البحرين تمر باوضاع سيئة هذه الايام .. وحسبي الله على كل من اراد الافك والتخريب بديرتي العزيزة البحرين
بلامس كان عرس اعز صديقاتي فديتها … صار لي مدة وانا اتجهز لهذا اليوم .. كل يوم اطلع الفستان الي مصممته لزواجها واتامله واقول متى يجي هاليوم بس.
وتخيلواعلى اخر وقت وانا بالصالون اسوي شعري يرسلون لي ان المخربين طلعو مرة ثانية وصارت اشتباكات وطلق نار خلونا على اعصابنا
حسبي الله ونعم الوكيل
لما جهزت وانا بالسيارة الا امي تتصلي وتقولي خلاص ماكو روحه الشوارع مسكره والدنيا معفوسه …
بصراحه قلبي انكسر على خويتي على التجهيزات الي سوتها ماجوها الا ناس قليلة …. والي كسر قلبي اكثر اختها لي اخر لحظه قبل ماتدخل خويتي القاعه تقول تعالي .. ترا كل الكلام الي طلع اشاعات..
مدري على من احط اللوم على الي يرسلون الاشاعات وبرودكاست غلط في البيبي ولا على المخربين !! بس ماقول الاحسبي الله ونعم الوكيل على من كان السبب
يابنات والله نعمة الامن والاستقرار اكبر نعمة الله عطانا اياها … فمهما اختفلت مذاهبكم او ديانتكم لازم تتعايشون مع بعض …
شوفونا كل ماصارت مشاكل بالبحرين تحت اسم الديمقراطية تنتهي بحروب طائفية مالها نهاية … يابنات انا مقهورة مررررة على ديرتي الي مدري متى بتنتهي ازمتها … وعلى خويتي الي ماشاركناها بلليلة عمرها..
بس امانة خواتي ادعوا لها بالتوفيق في حياتها … وان الله يحممي ديرتي من كل ظالم يخرب ديرته باسم المواساة والعدل
وما اقول غير حسبي الله ونعم الوكيل
