عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلا
كيفكم ايش مسوييين
استعداد الاختبارات
الموهيم
بقولكم القصه الي مضايقتني
قبل ثلاث سنين في الصيف
كان اخوي دايم تعبان من ظهره ومايقدر يمشي زين يعني يعكز
وجى شهر رمضان وهو تعبان ومسخن ودايم يقول احس شي في حسمي يعورني ما ادري ايش؟؟
الموهيم تعب مررررره وديناه المستشفى عنده حراره بدون سبب
وديناه كل مستشفيات الرياض ماعرفو ايش فيه
اخر شي قالوا وده مستشفى خالد هم الي يعرفون لهذي الاشياء
وديناه وجلس حوالي اسبوعين ماعرفوا
الي جا اليوم الي اكرره في حياتي
عمري ما كرهت يوم مثل هاليوم
يوم 18 رمضان اخر يوم في الدراسه قبل العيد
يوم اربعاء طبعا هو المستشفى واحنا ماندري
ايش فيه
طبعا هذاك اليوم ابوي مارجع من المستشفى
امي تدق عليه تقوله اخوي فيه شي
ابوي يقولها لالالا مافي شي
تقوله طيب ليش صوتك متغير يقولها بعدين اكلمك
الموهيم حسيت في شي وصارت تبكي تقول اكيد ولدي فيه شي
الموهيم انا نمت بعد الفطور
صحيت على صوت اختي تصيح
قمت مفجووووووووووووعه اقولها ايش فيك
قالت اخوي فيه سرطان
انا انصدمت قتلها كذااااااااااااااااااابه
رحت اجري غرفة امي
حصلت امي تبكي وجنبها جدي وجدتي وابوي وخالي واخواتي
انا رجعت غرفتي اجري ما ني مصدقه اخوي الي احبه اخوي القريب مني فيه سرطان
اخوي الي دايم انا معاه
اخوي الي اتضارب معاه
اخوي الي اطلع اتمشى معاه
اخوي الي احببببببببببببه
اخوووووي في سرطان
مو بس نوع واحد
الصدمه الكبيره ثلاث انواع سرطان
صراحه جتني صدممممه في حياتي
طحت في الارض ماقدرت اتحرك
ويادوب جلست على السرير
وجلست اصيح
خالي لمحني وانا اجري جلس يقرى علي
وطبعا من الصدمه طردته من الغرفه
الموهيم رحنا عنده المستشفى
اهلي ولا المستشفى قالوله ان فيك شي
قالو بالتدريج بيقولون له
حصلته مجمع اغراضه يقول اوووف قالولي اليوم بنطلعك
ومارضيوا
ومعصب يقول متى يمديني اقضي للعيد
متى اطلع بتخلص الاجازه وانا هنا ويمزح وقال وبتبدا الجامعه وانا لسى هنا
انا وقتها ماقدرت دمعت عيني ونفسي اقول يالله مالك داري ايش بيجيك
بتقول ليتني اجلس في المستشفى للعيد ولا يصير فيني كذا
وطلعوه من المستشفى على اساس بنحوله التخصصيي
وهو لسى مو داري
يقولي خايف من التخصيصي
يقول ليش يودوني هناك اكيد في شي كبير
بعدها بثلاث ايام في البيت
عمي وخالي قالوله
وانصدم وحبس نفسه في الغرفه يومين
وبعدها
راح التخصصي
جلس حوالي سنه
اكئب سنه مرت علي
واشوفه تعبان وما اقدر اساعده
اشوفه ما يقدر ياكل ولا بيدي شي
اشوفه يتالم ولا اقدر اسوي شي
والمصيبه اشوفه تعبآآآآآآآآآن واشوف امي نفسيتها دمار
واخواني مرررررره تعبانين
انا مو الكبيره فوقي هو الله يشفيه
وبنتين اكبر مني وبنت وولد اصغر مني
بس حتى اهلي كلهم تعبانبن
الموهيم
دخل شهرين كورس كيماوي
وطلع اسبوعين
ودخل شهرين بعد كورس كيماوي مكثف
وطلع اسبوعين معنا
ودخل المستشفى سووله زراعه نخاع جلس 4 شهور
طبعا في هذا السنه اخذ 4 انواع كيماوي
كيماوي في الوريد وكيماوي في النخاع في الظه هذا المه مو طبيعي ماتقدرين تستحميلنه وكيماوي حبوب وكيماوي اشعاعي وهذا اخطر واحد
وهو مرررررررره خطر
وهذا حرق بشرته كانه صارمكبوب عليه مويه نار
والمصيبه الكبيره هذا الكيماوي الي هو الاشعاعي
ويسبب عقم
الموهيم الحين اخوي معانا
والحمد لله مرررره تحسن ومعنا في البيت بس المشكله
الحين انه صار عقيم
وهذا الي مازم نفسيته
اغلب الشباب الي قده جالسين يخططون يتزوجون وطبعا
هو يقول مين ترضى تتزوج عقيم
وصار مررررررررررررره مسرح
مايبغى يطلع مع الشباب طبعا انا مستحيل اتكلم معاه في هذا الموضوع
وانا صراحه ما اردي ايش اسوي
ماني قادره اشوفه كذا وما اساعده
بنآآآآآآآآآآآآآآآآآآآآآآآآآآآآآآت ادعوله
بليييييييييييييييييييييييييييييييييييييز
والله يكسر الخاطر
ما ادري ايش اسوي له
بلييييييز قولولي حل لوتعرفون؟؟
تعرفون احد تعافى كان زيه وجاب عيال؟؟
دعواااااااااااااااااااااااااااتكم له
