بنآت وربكم أصيح وش أسوي .. تكفوون قبل يجي زوجي من دوامه

بنات وربكم مقهوورة بموت من البكآء مو لاقيه مين أفضفض له غيركم ..

انا مالي غير خمس شهور متزوجه

عارفين كيف يعني خمس شهور يعني لساتني مو مطوله

انا أدرس

ببدايه دراستي بالجامعه كان زوجي يضطر يستاذن من دوامه ويرجعني البيت

ويرجع لدوامه

وهكذا الين بالزور حصلنا شركه نقل توصلني للبيت

واليوم اتصلت عليه قلتله خلصت محاظرات قالي السواق مايرد

انا بجيك

وقفل ,.. بعد خمس دقائق ارسلتله ع الواتس قلتله رد عليك ؟

قام أتصل علي وقالي مين اللي يرد علي قلتله السواق

قالي وش فيك قلتلك خلاص انا بجيك

وهو معصب .. <~ اسلوووبه ينرفز معي

ورجع اتصل يقولي اطلعي وهو كمان باقي معصب لا وبعد ماسلم بإتصاله

وانا لو دقيت عليه وماسلمت يسوي سالفه

دخلت السياره وسلمت بصوت واطي ( كعادتي او بالاصح طبيعتي ) قالي انتي الحين سلمتي

قلتله إيه .. قالي ماسمعت الا همس <~ شكله وهو يتكلم 😛

آإخخخخ ببككككككككككككككي

طوال الطريق مسسرع ويسب ويلعن في ذا أقسسسم بالله قال كلمات شتم اول مره اسمعها تطلع من لسانه ..

قلت في نفسي ي بنت الحلال اعذريه

تخيلووووا بس من جامعتي للبيت ساعه الا ثلث وطوال الطريق ساكتين وربي مو بعادته قههرني

قبل ما اوصل البيت بخمس دقائق قلتله .. حياتي اشبك معصب ..

قالي مو معصب بس انا وقتي هذا سرقته سرقه

فسكت ..

المصيبه يوم نزلني للبيت

ماصدق على الله اقفل الباب وفحط بالسياره ومششششششى عني

فاهمين شلووون يعني فحط حتى مانتظرني اوصل للبيت والله يابنات باقي بالشارع

انصصصصصدمت

طلعت ع طول ابكي

قووولولي وش اسوي قبل يرجع مالي خلقه احس اني كرهته في لحظه

كافي انه بالايام الاخيره متغير علي حييييل