عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير صبااياا
كيفكم
ان شاء الله تمام 
بنات انا مدري كيف اتصرف مع زوجة اخوي وتصير بنت عمي قبل كل شيء وبنت خالتي 🙁
رافعه ضغطي وانا والله حالي حاال نفسي وماحب احتك فيها كثير عشان لاتصير مشاكل
البنت طيبه معنا وماعليها لكن تحب تقهرني وتنقص مني مع اني افضل منها واجمل منها وانا جامعيه ومثقفه الحمد لله
بس تحب تنقص مني وتسب اي شيء عندي مره شافت عليه فستان وهو نفس حق زواجها لبسته وكان
فخم من الاندلس مول وشافته في زواج وكان ثاني مره البسه قالت متى شريتي ذا الفستان
قلت هذا حق زواج اخوي قالت وع 😆
سكت وماقلت شيء
ويوم كنا جالسين مع بنات قريباتي وتكلموا عن المطربه حق زواجها واحنا جبناها
قالت والله مررره معفنه والكل يسبها
والمطربه معروفه وخيال والكل مدحها الا هي
برضه سكت
واخر مره من اسبوع قصيت شعري فراوله جت اختها اللي اصغر منها قالت لي روعه قصتك وين قصيت
جت هي قالت يوو وش ذي القصه 😆 🙂
انا ما ابغاها تمدحني لاني واثقه من نفسي وذوقي
بس وش ذي الحاله ياعالم !
اخرتها امس قلت بروح الاندلس اشتري فستان قالت وع انتي ذوقك مدري كيف مافي شيء حلو
المشكله كل لبسها وفساتينها دقه قديمه 😳
مو بس كذا احنا في زواج اخويا ماقصرنا كل شيء كان علينا وجبنا للزواج كل شيء حق ضيافه واستقبال
وامي دفعت وتعبت وفوق ذا سبون زواجنا هي وامها
لدرجه جو بنات من صديقاتنا وقرايبنا قالو زواجكم مرره خيال وكل شيء فيه فخم وروعه
امي شرت لامها هديه ذهب تعرفون الحريم يموتون ع الذهب رغم ان الاسعار مرتفعه شرت لها ذهب فوق 5000 لانها اختها وفوق هذا ام العروسه
تخيلوا جلست في مجلس حريم وجلست تقولهم ان امي ماجابت لها هديه 😉
وامي جالسه معها نسيت الذهب !
امي سكتت شوي تذكرت وقالت ايوة صح جابت لي ذهب 😡
دايم هي وبنتها يحبون ينقصون منا مع اننا مو مقصرين ابداً
ليييييييييه كذا
والله بنات رافعه ضغطي 😥
الله يهديها بس
الله يهديها
حبيت افضفض لكم مالي الا انتم 😆
وانا اذا قالت كذا اسكت ولا اقولها كل واحد وذوقه بس تحب تكسر خاطري
تحيتي
احبكم
