بنااات اللي يحبوني كثير و هذي مشكلتي؟؟!!!!

هلا رح ادخل بالموضوع ممكن ناس منكم يفكرو انه تافه او مالو طعمة و ممكن تقولو عني قليلة ادب ما بعرف بس انا حبيت افضفض لانه ما بقدر احكي هالشي الا الكم و بتمنى تسمعوني

انا بشتغل في جامعة و طبعا الجامعات عنا مختلطة و طبيعة شغلي بتخليني اتعامل مع الشباب ” الطلاب” كتير
و الحمدلله انا ملتزمة يعني علاقتي دايما محصورة في حدود الشغل و بس
و الحمدلله انا حلوة عادي يعني متل البنات و سني ما ببين فيي يعني انا عمري 25 بس الناس بتعطيني اقل من هيك بكتير hy:
هالشي طبعا كتير حلو و خصوصا اني لسه ما تزوجت << ادعولي
بس كمان هالشي نوعا ما صار يعملي مشكلة لانه الطلاب طبعا يعني الفرق بيني و بينهم في العمر مو كبير فبيحسو اني قريبة منهم و ما بعرف شو اللي بيخليهم يحبوني <<< و الله ما دخلني
يعني اول ال واحد اصغر مني ب 5 سنين اها تخيلو 5 سنين مو سنة و لا تنتين و كان يحكي معي عالفيس بك على انه بنت لاكتر من ست شهور و بعدين اعترفلي بهالشي جد الشعور كان جدا مقرف حسيت اني حمارة >>> سوري بس هاد كان شعوري
و لهلأ عم بيحاول معي رغم اني نهيت الموضوع و فهمته انه هالشي مستحيل ,,,

و تاني واحد يا بنات اصغر مني باربع سنين ,,,, اها اربعة
لازم كل يوم كل يوم ييجي لعندي و يتحجج باي حجة المهم ييجي رغم اني بعامله بطريقة جدا سيئة و كتير اوقات ببهدلو على اتفه شي بس ما في فايدة ,, !!!!!

اما تالت واحد يا بنات و هو الاهم حاليا ما بعرف صراحة كم عمره بس ه اما من جيلي او اصغر مني بسنة
هاد اللي ما بعرف من وين نزل عليي ,,, ما كنت بعرفه و اجا مرة لعندي كان مخربط في المكان بيدور على مكتب تاني و بس,,,, و من يومها صرت كل شوي الاقيه بوجهي جاي يتحجج باي حجة ,,, و كونه اختصاصي في مجال الحاسوب مرة اجاني بده مساعده في الجهز و لما فتح الجهاز قلي بدي اورجيكي ماما و بابا و ورجاني العيلة كلها و طلع الجهاز ما في شي و قعد يفتح سواليف بس الحمدلله قدرت نفضله
<<< يعني احلقله او اخلص منه
المهم صار ييجي كتير و ازا ما فات بيضلو واقف برة الباب
و اخر مرة اجى حكي في خطبة و زواج بس المشكلة بنات انه لساته بيدرس لانه درس 3 سنين طب انفصل و ما بعرف ليش انفصل و طبعا هاد شي تاني غير هيك لسه قدامه 3 سنين ليخلص دراسة ,,,, هو بيدرس هندسة ,,,, عدا عن انه ما بعرف هو اصغر مني و الا لا,,,

طيب رح تقولولي وين المشكلة ؟؟؟!!!!!
المشكلة بيبيز انه انا خايفة يكون نصيبي هيك ,, و اكون عم ضيع على حالي فرص ,,, يعني الحب ما بينلقى وين ما كان و مو كل حده بيحبك من قلبه,,,,, و خايفة يضيع الوقت و انا على حالي
و نسيت اقلكم انه قبل هيك في زميل الي دكتور مدرس في الجامعة برضو طلب ايدي للزواج بس كان اكبر مني ب 17 سنة يعني عمره 42 و اكيد رفضته لانه بدي حده قريب من عمري

بس متل ما قلتلكم كتير خايفة اضل هيك,, يعني انا بدي احب و بدي حده يحبني “في الحلال طبعا” بس ليه دايما الاشياء الحلوة بتكون ناقصة ؟؟؟؟؟
و بصراحة اكتر انا كتير خايفة على حالي انجرف مع التيار لانه كتير هالشي صاير يؤثر في مشاعري و خايفة اني اضعف في يوم من الايام خصوصا مع احساسي الشديد بالحاجة للحب و الحنان و الزواج هلأ لانه تقريبا كل صاحباتي تزوجو,,,,
و صرت اكره حالي ازا حسيت بشي تجاه اي شخص و بلوم حالي كتير بستغفر لانه بخاف من ربنا كتير و ما بحب الغلط,,,,,