بنات أنا قاعدة أسوّي الشي الطبيعي و الصحيح ، صح ؟؟

كيفكم بنات ؟؟ إن شاء الله بخير 😛

خليني أدخل لكم بالموضوع

عندنا دكتور في الكلية مادته صعبـــة + اختباراته صعبــــة + إلي مخوفنا زيادة إنو في بنات راسبين في مادته !!!

المهم

البنات إلي أكبر منا يقولون إنو كل أسئلة اختباراته من المحاضرة نفسها ، يعني إلي يحضر معاهـ و يكتب معاهـ راح يحل بإذن الله
بس المشكلة إنو مهما كان الواحد سريع مستحيل يلحق يكتب كل شي معاهـ ، طبعاً هو يمنع تسجيل المحاضرات ، عكس أغلب الدكاترة إلي يسمحون بهذا الشي ، و يقول اكتبوا معاي و اقروا من مراجع

البنات طبعاً مو قاعدين يسمعون الكلام ، و كلهم يسجلون بالدس ، إلي تحطه بشنطتها و إلي بمقلمتها … إلخ الزبدة إنو مافي وحدة محسسته إنها قاعدة تسجله

طبعاً أنا لما عرفت إنه مانع هذا الشي قررت ما أسجل ، مو لأني مثالية أو شي ، بس لأتي فكرت فيها : لو كنت مكانه و منعت شي .. هل راح أرضى إنو الناس يستغفلوني و يكسرون القاعدة من وراي ؟؟!!

لا طبعاً !
+
أحسه يعتبر نوع من أنواع الغش و بصراحة الواحد ما يبغى يبني حياته المهنية على غش