بنات اسمعوني فاض بي الكيل تعالو هون والله يوفق الكل يارب

انا الحين عمري 26 مدري دخلت 27 والله حتى عمري كرهت اني احسبه وماحب احد يطريه والله احس اني صغيره بداخلي بس السنين تجري وتاخذ من اعمارنا والواحد صاير يخاف يروح عليه القطار
انا ماهتم بالعرس كثير ولا همني بس مثلكم تخرجت وجلست ومرت السنين ولا وظيفه ولاشي وخواتي ماشاء الله معرسات بدري الا انا بس
واحس بديت امل من البيت واطفش من المسؤليه ولما اكره الاوامر ملييييت والله لما اشوف الكل عايش حياته وانا كني بهاللبيت شغاله ولا يحسون بالي بداخلي ولا شي ولو اطلب حاجه ماهتمو يعني كني مااحس وانا احاول اصير قويه وهم نايمين وكل وحده تتحجج بالدراسه والقهر انهم يقولون وش سويتي وينكرون وبس اسمي على لسان امي ماتذكرني والله الا بالشغل وبالاشياء المسؤليه لدرجه صرت اتنرفز على امي
مااقول الا الله يصبرنا ويثبتنا ويعوضنا ….ويرزقنا صح الكل يقول وش تبين بالعرس بس العرس ستر واستقرار واخاف اكبر وماعاد اجيب عيال والله هذا الي اهوجس به والكل كون بيت الا انا

واحيان افكر اقول شكلي عشاني شينه محد باغيني وش فيني عشان يخطبوني عليه والله اشك بروحي واطالع المرايه والناس صايرين يتشرطون يبون بياض وجسم وطول وشعر
صرت اتحطم بصراحه ..
عاد افكر اقول عساني اتوظف كود الناس تذكرني وتخطبني عشان وظيفتي وواحد محتاج لهالشي

والله اني ماقول هالسوالف الا لكم الحين ومحد حاس فيني ويوم اتنرفز والا شي والا اعصب يقعد يرمي اخوي علي كلام وان الله وين يرزقك وانتي كذا وكذا
وليت احد ذاكرني
….
والله اني الحمدالله استغفر واصلي الليل وادعي بس الحمدالله على كل حال والحمدالله راضيه بقضاء الله وقدره بس الواحد يخاف والله يخاف واكثر شي من نظرة الناس ومن جرح الاهل احيانا …
الوساوس تجي بكل مكان …ولا ادري وين الخيره فيه …
احيان اقول ليه افكر بالعرس وبس …بس يوم اقعد والايام تجري اشوفها راحت بشي مايسوى واقول لو فيه رجال وعيال كان اهون ….؟؟
مادري ياخواتي كيف الواحد يفكر صح ..مدري احنا معترضين بالقدر والا احنا نبي الستر والا صاير ماعندنا صبر …….لاحول ولاقوه الا بالله …
ولا بعد من الفلاحه جاني ولد عمتي وقلت ماكسر خاطره والله ماصدقت ان احديذكرني واخرتها اخذو الموافقه واختفو لا كلام ولا شي ولا كنهم قالو شي وامي تقول يمكن يرجع وانا اقول لو رجع ماااابيييييييه ……لاني سمعت انه يبي موظفه طيب ليه عشمني شكله جاء يخطب ومن اخته بس تشاور امي ويوم شكلهم خواته الكبار درو شكلهم قالو وش نبي في ذي والله من جد انصدمت وتحطمت ونسيت هالسالفه الحمدالله ولاعاد ابي وجهه كسر خاطري ولا ابي يجي ولا ابي شي منه
ويعني الي تقول ماقد جاني احد انا قدامكم محد قد فكر فيني والله اني صرت اشك اني اشين خلق ربي استغفر الله ….

وش رايكم بنت عمي كلمت خطابه من وراي وعطتها مواصفاتي بدون محد يدري وانا خايفه
ماقتنعت ودي الشي يجيني بدون مااسعى له ..
بس الظاهر بهالدنيا كل شي انا الي اروح له محد قد سعى لي وسوى شي عشان خاطري
عشان كذا صرت اشك ان واحد يرتبط فيني ويجي عشاني …………