عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنااااات الجامعه يصرخــن …………..
بنااااات الجامعه:P
والله حرام ليه حنا بس اللي بدون مصل وبدون عطله
حرام والله حنا بناتكم
[[[ سعوديات 
]]]
]]]
بسم الله الرحمن الرحيم
السلام عليكم ورحمة الله وبركاته
لاول مره بحياتي احس اننا مضطهدات ومسكينات وننرحم
يعني الحين من السعوديه كلها بس حنا اللي ضد الانفلونزا حنا بس < ليه يعني سلاحف الننجا
;)يعني الرجال والطلاب والمدرسين والعالم و و و و حنا اقوى منهم
كل ماقلنا شي قالو عندكم مناعه< ابي افهم وش ذا المناعه اللي عندنا من بد خلق الله
طيب عندنا منااااااااعه هذي بنمشيها مانبي عطله مو ضرووووري ,,,
بس نبي المصل مع خلق الله زائد الاشياء اللي بتوفرونها لهم يعني هم طلبة علم وحنا لا !!!
وقفت علينا 6 ملايين حقنه كل السعوديه بيطعمون الا بنات الجامعه <ليه ماحنا محسوبين منكم اخاف اننا مو سعوديات بس !!
يزيدونها مليون واحد بس والله ماراح تضر الاقتصاد السعودي عندنا بترول قد الدنيا مايقدرون يزيدون مليون
مستغنين عنا ماتبونا تبونا نموت يعني يمكن تحلون….
>> مشكلة العنوسه
>> مشكلة الوظايف
>> مشكلة القبول في الجامعات والزحمات
واقسم حاسه بالاضطهاد حاسه ان بنات الجامعه مو سعوديات بنقاليات والا هنود
حرام والله حرام شككتونا في جنسياتنا
نقرا جريده نشوف tv كلها {السعوديه تاجل الدراسه لحين وصول المصل}
المصيبه بين قوسين يحطون ان {الجامعات مايعطلون} << بلعناها 
و المصيبه الاكبر {مانطعمهم عندهم منااااعه}
قويه والله قويه < سؤال بس من وين جتنا ذا المناعه من الوجبات الرز و السلطه والحليب والأكل المفيد اللي وفرتوه لنا بالمجان يوم كنا ندرس ابتدائي وفي المتوسط ومرحلة الثنوي ناهيك عن الحين في الجامعه
!!!
لدرجه اني حسيت من كثر المناعه اللي عند بنت الجامعه ممكن تتسند ع الجدار يطيح
واقسم اكتشفت انهم مطلعين كرتون {الفتيات الخارقات} فينا
والله كنت راضيه بحكمهم مافيه عطله راضين بالمقسوم بس مانطعم <<مو مستوعبه 
هو يا أنكم مو واثقين في المصل !!
وهذا معناته انكم مسوين اخوانا وخواتنا حقل تجارب
يايصيب ويصير عندهم مناعه
يايخيب وتسوون جريمه في الشعب السعودي
ويكون سبب وفاتهم المصل مو الانفلونزا
ياأنه المصل هذا واثقين في نجاحه
وهذا يعني انكم فعلا ماتبونا وتقولون من الله جت هديه
بنات الجامعه مسوين لنا زحمه مسووين زحمة مواصلات الصباح
مسووين زحمة وظايف
و و و <يالله نفتك منهم ويموتوووون
قلنا نداوم ونتقهوى { يانسون } وننسى الغازيات ونحط كمامات ونسوي كل شي
لين تجي الحقن < كفاح من اجل الحياه
بس يصدمونا ويقولون ماراح نطعم بنات الجامعه عشان عندهم مناعه < اضحك والا ابكي
جد حسيت اني مدري وشو اثاريني طلعت قرندايزر ونا مدري
{{ظلم والله ظلم}}
لا وفوق هذا كله ……..
الـــــلــــــــــــــّـــه على كلياتناااا
مكان يأهل لانتشار الانفلونزا..
مو باقي لها الا تطيح على روسنا < قسم اضحك مدري ابكي ونا اكتب هالكلام من القهر 
الدرج مو درج مثل خلق الله
كليه في السعوديه درجها حديد مركب على باب طوارئ [شينكو والله شينكو ]
لا والمشكله في الريااااااااااااااض العااااااااصمه وش نقول عن المدن الثانيه والمحافظات !!
معامل وقاعات اللهم لك الحمد ماتكفي عشر بنات
كيف شعبه كامله جالسه في معمل واحد و مع انفلونزا الخناازير << لاجد بصيح تعذيب
والله العام نجلس في معمل والله العظيم من الضيق البنات فارشين في الارض يشتغلون مافي مكان !!
!!
مره وانا جالسه فوق الكرسي اشتغل احرك رجلي تصقع وين ماادري لما اشوف تحت الطاوله بنت جالسه تشتغل 
واقسم حشرات مو بنات !
كيف هالسنه مع انفلونزا الخنازير !! < لاجد تأكدت أن حنا على قلوبكم
– لهالدرجه!!!!!!!
لااااا ودورات المياه حاله ثانيه [هي لحالها وباء ]
تشم ريحتها من بعد كيلو مافي نظافه مافي مطهرات ديتول كلوركس اي شي على الاقل هالسنه عشان الانفلونزا ولا ذي علينا بعد !!!
شكلي بجي للكليه زياده على عفشي بجيب معي علبة ديتول كرتون كمامات ترمس يانسون
و و و بجي محمله كل شي زحمه
وباشيله من البيت للباص للكليه <بتحمل وش اسوي دام محد فكر فيني
آآآآآآآآآه بس hy:
hy:
هذي جامعه سعوديه!!!!
يقولون انتو كبار
حنا كبار نفهم ونعرف نحمي انفسنا << هذا الحكي لو كانت جامعاتنا تأهل
ياعالم ترا والله حنا محسوبين منكم ولو اُصبنا بهذا المرض بتتحاسبون والله ,,,
تدرون ليش ؟؟ لانكم وفرتوها لناس دون ناس ماعدلتوا !
[بابا عبدالله خلوه على جنب لبااا قلبه مالكم دخل فيه يسهر ويتعب عشانا] 
[ انا اكلم الوزراء اللي فاللجنه ] <خلوكم قد الامانه
حسسونا هالمره انكم خايفين علينا وانو لا كل كلامنا غلط ومو صحيح
وانو حنا بناتكم جيل المستقبل اللي رح نكون جزء من مستقبل البلاد اذا ماكان كله
صحيح {قُل لَّن يُصِيبَنَا إِلاَّ مَا كَتَبَ اللّهُ لَنَا }
لكن
{... وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ}
لاتتكلمون في الهواء شوفوا بناتكم أسألوهم وش وضعهم في الجامعات ,,,
[[ شاوروووووهم ]]
شاهدي المرفق:)
ملتوووووووووووووووووش
