بنات الرياض ماقبلوكم ؟؟تعالوا هينا ان شاء الله محلوله

كيفكم بناات ..

ادري النفسياات زفت مع نتايج القبوول وربي مقهوره مثلكم ..
لاني مريت بنفس اللي مريتواا فيه ..

حبيت اساعدكم باللي اقدر عليه
اول شيء بلييز لاتعتمدين على احد ان فلان او فلانه اخذوا ملفي بيسجلوني بيدورون لي واسطه وتجلسين .. انتي روحي واسئلي وشوفي وربي مراح يضيع تعبك

انا كنت مثلكم مرره قطعت نفسي من الصيااح يوم ماانقبلت بس مافاد شيء خالي اخذ ملفي وكثير ناس يفيدوني بالواسطه بس ماش وانا اعتمدت قلت خلاص اكيد بيدخلون وكل يوم اقول بيقولون لي بكره ومشت الايام والناس بدوا بالدراسه وانا بالبيت
قلت خلاص الفصل الثاني باسجل وماتحمست قلت لبنت عمي اذا بدا التسجيل قولي لي لانها كانت بالجامعه
ولا رحت اسئل بنفسي وانتهى التسجيل وهي ماتدري ..

المهم سمعت بكليه خدمه المجتمع ورحت وسألت وعرفت عن تسجيلهم كيف وسجلت الحمد لله
والحين انا خلصت سنتين دراسة ..

معلومه اضافيه:~
طبعا هالبرنامج يخليك تدرسين 4فصول وانتي تبع الكليه نتهين المواد المقرره عليك بالخطه ويكون معدلك مايقل عن 2من5 واظن شيء سهل جداا
وبامكانك لو جبتي معدل 4,5 يحولونك على طووول للكليه الاساسيه تبع الجامعه
مثلا انتي رياض اطفال يحولونك لكليه التربيه اللي قسم رياض الاطفال تبعهاا اساسا

المكافئات ::~
طبعا الكليه مافيها مكافئات :Dشلون يعطونك مكافئات وهم ياخذون منك فلوس 😡
الا اذا جبتي معدل عالي او خلصتي السنتين و تحولتي للكليه التابع لها قسمك تنصرف لك مكافئه وربي يهنيك فيها 🙁

طيب متى يبدا التسجيل؟؟؟

التسجيل الله يسلمكم يبدا يوم 24/8 يعني بعد كم يوم اليوم 18
وهذا رابط ادخلي عليه وشوفي اوقات الدوام وارقامهم وكل شيء يفيدك ان شاء الله

http://colleges.ksu.edu.sa/Arabic%20Colleges/AppliedStudies/admission/Admission_dates.htm

وهذا رابط الكليه اذا بتتعرفون اكثر ..

http://colleges.ksu.edu.sa/Arabic%20Colleges/AppliedStudies/default.aspx

💡 وربي يوفقكم ويسهل امركم ويسخر لكم خلقه ياااارب;)

و اي استفسار من عيوني اجاوب لكم عليه =)

دعواتكم ربي يسهل امري 😆 idea: