عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اولا احمد الله اللي نجالي بنتي وسلمها
حكايتي يابنات حكاية
طبعا بنتي اللي عمرها ماكمل شهرين ..قبل كم يوم كانت نايمة فجاة سمعت صوتها تشهق رحت طليت عليها ماكان فيها شي قلت عادي ممكن تتحلم 😐 حطيتها على جنبها ورحت
كنت انا واقفة عالمغسلة اللي عندي بغرفة النوم فجاة رفعت راسي للمرايةالا اشوف يدينها ورجولها تتحرك رحت اجريييييييي لقيتها ياعمري تفرفص والستفراغ خارج من انفها وفمها والبنت زرقاء ومتشتجةومافي نفس
قمت اهز فيها اهز فيها مااافي فايدة سرت اضرب على ظهرها الين رجع نفسها وسارت تبكي وتشد يدينها وترمي راسهاعلى ورى وزي الرغوة تطلع من فمها قمت انا اصرخ وابكي واتصلت على زوجي عشان يوديها وكان يومها الجو مرة غبار المهم
مازالت البنت متشنجة قمت شفطت اللي بانفه بالشفاط واللي بفمها بفمي
وهي لسة ما رجعت لحالها الطبيعيرشيتها بزمزم كانها الحمدااه فكت شوي وراح الزراق بس لسسسسسسة متصلبة ومنحنية بجسمها لفوق ونص ساعة على هالحال الى ماجا زوجي
قال وين قلت اقرب شي امستشفى احد ويالتيني ماقلت.. 😛 دخلنا الطواري جريييييي
ياسستر الحقينا البنت شرقانه ومتشنجة
قالت: 👿 مافي دكتور هنا روحو غرفة ثاني
ونجريييي عالغرفة الثانية قالو موتبعنا احنا بس حالات حرجة..يعن ي هذي بالله مو حالة حرجة البنت حتموت بين يدينني وهذولا حسبيـــــــــــــــــــي الله عليهم ولاحد مهتم
المهم رجعنا للغرفة الاولانية قلنا للدكتور شوفها قال اول جيبو ورقة من
الاستقبال هذا وقتووووو جبنا الورقة قالنا لا انتو عند العيادات الخارجية ونروح نجرييييي
نجي اللكتور الحقنا قال اول شوفو الحرارة يعني هذا بالله اهم
ونقول للستتر بسرعة شوفي الحراراة البنت شرقانة زعقت قالت يعني اش اسوليكم؟؟؟؟؟
وندخله للدكتور حتى ماحطه عالسرير حطاه عالمكتنب وحط السماعة قال رجعوها الطواري
ونرجع للطواري قيد البنت لها ســـــــــــــــــاعة وهي شرقانة ومتشنجة وبس اقرا عليها والحمدالله رجع لونها وحرارة جسمها هذا كله ومحد اسعفنا حسبيـــــــــــــــــــي الله عليهم بعدين شافها الدكتور وسوالها تخطيط بعدين طلب اشعة ولما رحنا الاشعة قالومافي الجهاز عطلـــــــان ونطلع على مستشفى الولادة اللي اسوء منه مافيونجيب ورقة ونستنى في الطواري قاللنا لا انتو بالعيادات بالجهة الثانية
ونروح قالو قيسو الحرارةبس هذا اللي فالحين فيه كل من دقينابابه قال شوفو الحرارة؟؟؟ودخلنا على استشاري يقولون بس اللي شفته واحد فاضي ماعنده حتى تجهيزات مكتب وسرير وكشاف
قلناله الحكاية ماكشف عليها ولا شي قال روحو للاخصائي وياعيني عالاخصائي سألنه عنو قالو هذا متدرب يطبق!!!!!!!!!!وجلسنا الين قريب الساعة 2.5 وهم حتى دور وارقام مافيه يطلع من غرفته الاخ ويقول من جاه اول والناس كلها تتجمع تقل توزيع زكاوات
المهم دخلنا ويابن الحلال احنا بس نبغا اشعة قعد يتفلسف ويقول ممكنوراثة!!الشرقة والتشنج بسببها سار وراثة ونعم الدراسة والله!!رحنا سوينا اشعة والحممدالله كانت كويسة بس باقي التحاليل والتنويم رحنا قالو مافي سرير اناهنا عصصصصصصبت قلت لزوجي يالله بس حمداالله تطمنت عليها ماله داعي ورجعنا البيت عاساعة 4 والمسكين عنده دوام5
يعني اهمال وقلة اهتمام تخيلو محد فيهم كلف على حالة يشوف انفه او حلقه فيه شي من الشرقة المهم ثاني يوم الصباح قامت البنت تصرخ وخرج من دوامه قلت له خلينا نوديها المستشفى قال الدكتور اللي بالولادة قلبه ومافيها شي . قلت نروح المستشفى احسن
المهم وديناها الزهراء وتكشف الدكتورة حليها قالت اذانيهاملتهــــــــــــــــــبة حسبي الله عليه الكتولر نقول شوف اذانيها شافها قال مافيها شي والله مودااااااري
وبس اخذنا العلاجاعطيناه ياعمري عليها لها يومين تعباانة وبس تبكي وتستفرغ
اصلا انا عمري ماقتنعت بالمستشفياتت الحكومية بس ماكان قدامنا غيرها واعيد واكرر
حسبيـــــــــــــــــــي الله عليهم البنت كانت حتموت وهم ولاحد مهتم
دعواتكم الله يخليها لي ولا يوريني فيها مكروه والله كنت راح انجن
بنتي الاولى ماتت والثانية من يوم ولدتها وهي تعبانة الحمدالله على كل حال
