عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
انا بدخل بالموضوع على طول
انا متزوجه وعندي خمس اطفال اكبرهم بنت 9 سنوات والصغيره سنتين
والسادس في الطريق انا حامل بشهري الخامس وحملي هذا غيرررررررررر
من بدايته وانا بس طايحه ووحمي صعب والحين احس نفسي بالتاسع
المشكله زوجي الله يسامحه ما يبيني اوقف حمل وولاده يبي ولد لانه ما عندنا الا ولد واحد
بس هالشي مو بيدي بيد الله وحده واتوقع انها حجه بس
المهم انا من جد تعبانه وشغل البيت ما يخلص وعيالي ماشاء الله عليهم حركين ويبوني طول الوقت بالمطبخ
وزوجي صعب ولا يعجبه شي
المشكله انه فعلا ما عندي احد يساعدني اهلي بجده وانا بالدمام واهل زوجي ما يتحملون عيالي
حتى مواعيدي بالمستشفى اغلبها ما اروحها لاني احوس بعيالي مدري وين احطهم
انا افكر اجيب شغاله مع اني خايفه من وجودها بالبيت وبصراحه خايفه على نفسي وعيالي وزوجي
وشايله هم فترة النفاس من بيقوم فيني انا وعيالي وبيتي
وهنا بالدمام عجزت القى شغاله بالشهر وكلهم غاليين
واكثر شي متعبني ان زوجي من النوع اللي يتعاطف مع الشغاله ويعطيها وجه
بس انا مقدر اروح عند امي لانها تعبانه وما ابي احملها فوق طاقتها مع انها ما تقصر وودها تريحني
بس عيالي الله يهديهم وعندي بنتي الصغيره جاها سكر فجأه قريب والله لا يوريكم سكرها على طول
ملخبط يا هبوط يا ارتفاع وانا تعبانه معها كثير ويبيلها عنايه خاصه
ولا تخليني انام ولا ارتاح ومعصبه على طول ادعولها الله يشفيها تكفون
وام زوجي قبل يومين متصله فيني تقول عيالك لا تجيبينهم عندنا اذا بتروحين مكان صرفيهم بس عندنا لا
مع انهم عارفين ظروفي بس الله يسامحهم وانا والله ما اطلع من البيت الا لضروره يا مستشفى ولا سوق
حتى ما عندي احد اروح له ولا معارف ولا شي
بس الحمدلله على كل حال
تكفون بنات انا من جد تعبانه ومحتاره وش اسوي استقدم شغاله
ولا احمل نفسي فوق طاقتها وارضى بالتعب
