عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اسعد الله اوقاتكم بكل خير ومسره
هذا يالغاليات وانا بشتري من وحده من الاخوات عن طريق النت
ومثل العاده معروف نحول المبلغ وتشحن الطلب
وحده من البنات قالت لي حولي على البنك فلاني وانا ما عندي حساب فيه
فبديت ابحث احد من الخوات او القريبات يحولون لي والكل يسال ليه؟؟؟
ناويه تشترين من النت قلت يس قالو استلمي الطلب قلت لسه احول قبل لها
فيه اللي قالي كيف تضمنين انها ما تلعب عليك ليه هي تبي تضمن نفسها وانتي ما يهمك
قلت انا ثقتي بالله كبيره وثانيا كيفها اذا هي رضت على نفسها مال حرام هي اللي بتحاسب
اما انا بحتسب الاجر وبعتبره صدقه عن نفسي وذرييتي ورب بيعوضني خيرا منه
لكن المجموعه الثانيه اللي اذهلني ردهم قالو حراااام !!!!
انا طيرت عيوني وش اللي حراام اني اشتري من وحده وترسل لي الطلب
قالو لا الحراام انك تدفعين قيمة شي ما استلمتيه يعتبر من باب ربا النسبيه وهذا حراام
تستلمين قبل بعدين تدفعين او تسلمين وتستلمين بنفس الوقت
عااد انا ابيكم تتاكدون خصوصا انتم يالتاجرات وتفيدوني وتفيدون انفسكم
عااد انا من اهل الرياض واغلب التاجرات جده او الشرقيه نادر تاجرات الرياض
او تكون الاسعار مرتفعه والغير ارخص
عااد انا تعقدت ولا ابي ادخل بشي مشبوه قلت اتاكد من البنات
لاني ما اعرف احد يفتي وانا ما اطلب فتوى منكم شخصيه ابي شي موثق من علماء
ودمتم بصحه وعافيه وسلامه
