عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
الحمدلله رب العالمين
ابي استفسر عن سبب وفاة الجنين في الشهر التاسع علما ان هذا اول حمل
وكان كل شي طبيعي بس فجأة مات الجنين وكنت مسويه سونار قبل توقف الحركه بايام وكان كل شي طبيعي حتى لمن ولدته كان شكله طبيعي
والله يابنات ما كان فيني شي وعادي عندي ما احس باي شي علما انه كان متوفي ببطني قبل اسبوع من قبل لا اروح المستشفى واساسا انا رايحه بس عساس كان فيني انفلونزا فدخلت عالطبيب وقلتله انا فيني انفلونزا ووصفلي ادويه وقبل لا اطلع قلت دكتور احس ان حركة الجاهل متوقفه بس مثل بطني يصلب ويلتف عبالي ان الجاهل مثل يضغط برجوله او بايدينه بعدين فحص نبض الجنين ما لقا نبض وانا مصدومه ومتوتره حدي الله لا يحطكم بموقفي ومستغربه دايما كل ما حطوا الجهاز علطول يلقون النبض الا هالمره وانا شوي وابكي واقول شفيه ليش ما فيه نبض وابي اصرخ الدكتور يقول انا سامع نبض بس من بعيد واروح غرفة التخطيط دايما لمن اروحلها ااكون مجبوره بس هالمره ودي اركض واروحلها وبعدين يتجمعون السسترات ويدورون نبض وما يلقون ويسمعون نبض قلبي ويقولولي فيه نبض ما مات الجاهل وانا اقولهم هذا نبضي مو نبض الجاهل وهم مو مصدقين يقولون مستحيل نبضج يوصل هالسرعه وانا اقول والله نبضي تصوروا من زود الخرعه صار نبضي مثل نبض الجنين بالجهاز مبين 160 دقه واقول للسستر حطي ايدج على قلبي لمن حطتها وصدقتني بعدين دخلوني المستشفى وسووا سونار وشافوا انهة متوفي من فتره وانا مادري يقولون اكثر من يومين تصوروا ما بقا شي ما شريته كنت مجهزه كل شي بس الحمدلله على كل شي بعدين ودوني الجناح ما ولدوني وقعدت خمس ايام وبعدين ودوني الوضع مره ثانيه بدوا يعطوني طلق صناعي تصوروا يومين بالوضع شفت العذاب اشكال والوان ما رضوا يعطوني ابرة ظهر او كمام عساس يبوني انا الي ادز وياهم يقولولي الجاهل متوفي وما راح يدز نفسه لازم انتي تدزين بعدين اهو متوفي من فتره نخاف ينقطع راسه تخيلوا وحده بهذا الوضع و يقولولها الدكاتره جذيه وهو طفلها يعني حامل فيه تسع اشهر بس الحمدلله
وارجو من كل الاخوات ان تنتبه الى حركة الجنين
هل هي طبيعيه او اذا قلت يجب عليها الذهاب فورا الى الطبيب
بنات نصيحه من الشهر الثامن يجب عمل تخطيط لنبض وحركة الجنين مرتين كل اسبوع عساس ما يصير فيكم الي صار فيني
انا مابي اخوفكم بس الحرص واجب فيجب المتابعه عند طبيب واحد من اول الحمل وعمل جميع التحاليل والفحوصات الازمه والله يتمم عليكم حملكم على خير ويرزقكم بالذرية الصالحه انشاءالله
انا بس حبيت انبهكم لهذا الشي عساس تتحاشونه وتاخذون عبره
والحمدلله رب العالمين
ولا تنسوني من الدعاء
