بنات مره متضايقه .. اخو زوجي بيدمر حياتي …اللي عندها حل تدخل بس ابي وحده ذكية وقوية

المهم يابنات بدخل بالقصه دايركت ..

اذكرو الله .. لا اله الا الله

انا متزوجه والحمد لله على كل حال

مشكلتي اخو زوجي …!

اخو زوجي اكبر منه .. طيب ؟ .. وين المشكله ..

نبذه عن حياة اخوه ..

زوجته انسانه مريضه نفسياً بشكل ماتتصورين اول ماتزوجت انا كانت دائما تغار مني وتحاول تكره اهله فيني وترمي علي حكي اني ماافهم في شئ لاطبخ ولا شئ ..
وهالادميه انسانه نرجسيه بشكل ماتتصورون مستحيل تجلسين معها 5 دقايق الا ودك تقومين وتتركينها سواليفها مثل سواليف البزران وعقليتها غريبه اكبر همها ان العالم تمدحها .. يعني تسوي اي شئ بس تطلع هي السنعه وكل شئ .. تحب المدح بشكل مو طبيعي تقدرين بدقيقه تطيرينها للسماء لو تبين .. ومثل ماقلت انسانه نرجسيه بقوه يعني ماتعرف الا كلمه انا وانا وانا
انا دلوعه اهلي وانا وحده قالت لي وش شهاده زوجك ويوم قلت لها قالت وع انتي تستاهلين دكتور خخخخ 👿 مع انها قسم بالله شييييييينه لا جسم ولا لون ولا شعر ولا شكل ولا حتى اسلوب مدري على ايش بيجيها الدكتور وشايفه بنفسها شوفه مو طبيعيه وكله كوم وخلاقينها .. تفشل .. عمرها مالبست زي الناس قرووويه بشكل مو طبيعي مع ذلك شايفه نفسها ➡
وتراها مو صغيره يمكن عمرها 35 سنه ..

المهم زوجها من النوع يحب الكشخه ويحب التفشخر .. ماعلينا

هو مايرجع للبيت الا الفجر طبعا كلام زوجي .. قال ايش انا رجال وارجع للبيت متى ماابي وخلها تسأل وينك <<< هذا كلام الاخو لزوجي ..

مع ان والله انها دايسه على راسه لأنها تصرف عليه وراتبه هو على قد حاله وهي وارثه ..

المهم .. زوجها تعرفون مايتحمل جو البيت

وقد قال لزوجي انا ودي اتزوج << طبعا من قهره من زوجته ..

المهم هو صار يبي زوجي اذا طلع من دوامه يجلس معه

تخيلوا زوجي دوامه مرتين صبح ومساء

يجي الظهر يتغدا وينام ويصحى العصر ويطلع للدوام الى الليل واذا رجع استلمه اخوه مايجيني الا نص الليل ..

يحاول دائما يسحبه عني ماادري ليه

المهم صارت بيني وبين زوجي مشاكل ان معليش انا مااشوفك كثير مو معقوله وقتك كله لأخوك والا اهلك .. وتخيلوا اهله من يدرون انه جا وقت طلعته يتصلون عليه جب كذا وجب كذا ودنا لكذا وجب كذا شئ شئ مو طبيعي

المهم صارت مشاكل بيني وبينه وقلت له خلاص انت لأهلك وشوله تتزوج !! 😡

والله ياعالم تأذيت …

المهم مرت السنين وصار اذا رجع يجي لأهله شوي وبعدها يجي عندي ولا يروح مع اخوه ..

المهم <<< ياكثر المهم

اخوه هذا ناشب لي هنا …<<تأشر عالرقبه

تخيلوا يحاول يكره زوجي فيني

مرات يمدح الزواج الثاني وانه هو بما انه مايقدر يتزوج فمتوهق يعني ياانت اللي هو زوجي ليش ماتتزوج !! .. شوفوا الحقاره لمن قالي زوجي كذا كررررررررررررهت اخوه كره مو طبيعي يعني عشان مو متهني مع زوجتك تجي تدمر حياتنا ..

تخيلوا مره خطط يسافر هو وزوجي برا على اساس انه شغل .. المشكله زوجي مو محتاج للسفره عشان شغله !!

المهم انا بما اني ادري ان هالادمي اللي هو اخوه حقود وحاسدنا اننا مو مثله.. غير كذا اخوه احسه مو متزن دينياً .. تهاوشت انا وزوجي على هالسفره وصرت انسانه مو طبيعيه وخاصا ان فيه ضروف المفروض مايسافر لكن ماقّدر .. صارت بينا مشكله كبيره بسبب المتخلف اخوه .. وقلت له بعد دموع كم يوم وضيقه صدر .. اختار ياسفرتك هذي ياانا وكنت خلاص اقول بقلبي والله ياانا ياهو .. لأنه ممكن يزوجه هناك او شئ .. تعرفون اخوه اكيد بيأثر عليه .. تزاعلنا على هالسفره وصرت انام بغرفه لحالي وجلست يوم كامل مااطلع من الغرفه ولا اكل ولا اشرب .. حسبي الله عليه اخوه ..

المهم لمن شافني منهاره قرر مايسافر .. لمن عرف اخوه اتصل عليه وانا كنت معاه وتخيلوا يهاوش بصوت عالي ويقوله تخاف من زوجتك هذي مادرت عنك وهذي وهذي …!! طبعا اخوه وقح وزوجته من اهمالها استغفر الله ياربي كل يوم يجيبون عيالها من الشارع مع ان عياله سنتين اعمارهم .. ماتدري عنهم .. كل مره بالشارع ..يقول لزوجي خلك قوي شلون تمشيك انا زوجتي العن جدفها لو تسأل وينك ❗ المشكله ان زوجته غاسله شراعه !! صدق اسدٌ علي وفي البيت نعامهًَُ ..

المهم قاله زوجي لا انت قوي وشجاع والدليل زوجتك مادرت عنك لاانت ولا عيالك اللي كل يوم هندي والا الجيران جايبينهم من الشارع !!

المهم تزاعلوا مده وصار اخوه يحاول انه يرجع مثل اول وطبعا سافر لحاله ..

اخر موقف ..

امس زوجي لمن رجعنا حاقره يقول من جد مو طبيعي قلت له ليش قال تخيلي العيال اعمارهم 10 سنين و12 سنه جالسين عند التلفزيون يروح ويحط على مسلسل صبايا كله سوريات .. ويقول شف البنات الحلوات خلونا نشوفهم 😉 يازينهم …

تخيلوا دائما يسوي اشياء يبي يصير بينا مشاكل ..ويبي يكره زوجي فيني ..

انا يوم دريت عن سالفه اللي بالمسلسل .. صليت وقمت ادعي عليه واتحسب حسبي الله عليك الله يجعل كيدك وشرك فيك وفي بيتك .. من قهري قسم بالله انه يسوي اشياء كثييره اللي قلته جزء من اللي يسويه ..

انا وزوجي ماشاء الله مبسوطين وهالادمي يحاول يفرق بينا ..قولوا لي وش اسوي ابي احرق قلبه واخليه يموت قهر ..

ابي كيد النساء يطلع عليه …

طبعا هم جيرانا وتخيلوا زوجته تتسمعنا .. كانت تقول اننا نسوي ازعاج نشوف تسمعونا او لا المشكله مادرينا عنهم .. عرفت بعدها انها هي تتسمعنا فضحت نفسها الغبيه ..

فبما انهم جيرانا ويسمعون ابي اقهرهم بأي شئ ابي اخليه يحترق .. 😆 hy:
ابيه يفهم انه مستحيل يفرق بينا ..

والله يابنات اني اكرهه كره مو طبيعي وتدرون لدرجه انه اذا طلعنا والا دخلنا يطلع للشارع يشوف من اللي جانا .. .. قاهرني ..

كل ماابي اوقف من الكتابه ارجع اكتب ..!!

نفسيتي تعبت منه ..

باختصار ابي احرق قلبه كيف ..؟ ابي اقهره … كيف ..؟

بنات انا ادري ان كل اللي يسويه حسد لأنه هو مو مبسوط ..

انا كاتبه الموضوع ابي افكار تقهره ..

.