بنات مقدر أخذ نفس طويل مدري وش فيني

مرحبا
أنا لي أسبوع أحس بكتمه يعني بس أتنهد ولا تنهدت ما أخذ نفس تعبت والله
أنا أول مره حسيت فيها وأنا كنت أتعشى فجآه حسيت أن فيني دوخه كنه بيغمى علي
تركت العشى وقمت شربت شوي مويه رقيت غرفتي خايفه مدري وش اللي صار
وكل الليل مانمت لاجيت بنسدح أحس بضيقه بعدين أقوم
وفجآه صآر قلبي يدق بقوووه ثوآني بس وبعدين رجع طبيعي
بس وهو يدق خفت كني بموت 😆 🙂
بعدين قريت الأذكار وقريت على نفسي وشغلت سورة البقره ونمت 6 الصباح
بعدين يوم صحيت الحمدلله صآر وضعي أوكي بس تم يجي فالليل لاخلصت عشا خصوصاً
حتى والله العظيم لاجا الصبح صرت أخاف من الليل أخاف ييني هاللشي
وأنا مانيب من النوع اللي أي شي يصيرله يذيعه أنا شوي كتومه وماقلت لأحد
الغريب أنه بعد يومين صآرت تجيني الكتمه طوووووول اليوم أحس اني أتعب إذا أحد كلمني قالي صوتك متغير واحس بتعب لو طولت بالحكي 😳
عآد هنآ أنا قلت لازم أقول لأمي
عطتني شريط رقيا شرعيه قالت أسمعيه لابغيتي تنامين وأنتبهي لكلامه ➡
قلت طيب
وسمعته وعجزت بنام وشغلت سورة البقره ويالله نمت
قلت لأمي بروح المستشفى
أمي دقت على أخوي قالت أبيك توديها بكره الصبح كان الكلام هذآ يوم الجمعه
قآل أخوي أكيد أنه داخلها برد
المهم عطتني أمي فكس وفازلين قالت دهني رجولك منه وعطتني زيت زيتون وفلفل أسود دافي وقالت أدهني صدرك وظهرك وكل شي تطولينه
وسوتلي زنجبيل وخليب بالفلفل
أنا ألحين أحس أني مخيسه من الزيوت
المهم أني بالحآله نمت
ويوم قمت الصبح قلت لأمي كنه شوي خف بس شووووي مدري أنا أتوهم أو صدق
الشاهد أني للحين لاتنهدت ماخذ نفس
أنا طولت عليكم بس من صار لها نفسي أو تعرف شس يطلع البرد من الجسم وهل هو صدق برد ؟
لأن هالشي صآر لي يوم السبت اللي فآت يعني قبل 8 أيام ويوم الجمعه كنا كاشتين وأنا مالبست إلا قميص شتوي طبعاً مالبست بجامه ولا شي وكان الجو بآأإرد تتوعون برد 😛
أنا ماحب أروح المستشفى أخآأإف والله لايحيجني لهم قولوا آمين