بنات مين تحط يدها في يدي … بسرعة قبل ما تفوتك الفرصة

كُل عام و الجميع بصحة وعافية

فراشات أحلى منتدى حابه اتفق معاك اتفاق … تتفقوا معايه ولا لأ

ويدي نتفق إننا نشفر كُل القنوات الفضائية أول ليلة من رمضان ونخلي بس قناة المجد الفضائية و المجد للقرآن

حتقولولي ليه بس هذي القناتين … لأنها هي القناتين الوحيدة إلي تعرض برامجها من غير فواصل موسيقية

صح قناة الرساله تجيب برامج دينية حلوة وكمان اقرأ بس كُلها فيها موسيقا … ومو معقول نفضل نقفل الصوت كُل اشويه

ولي تحب المسلسلات زي ترى لاحقه عليها …. كُلها تنعاد بعد رمضان مباشرة

الحمد ليله لينا ( عائلتي ) 3 سنوات وهذا الشي متبعينه …. تعرفوا قبلها ماما كانت تقولي قفلي القنوات اقولها

بس مسلسل واحد اتابعه وكنت اتحايلها إلين ما وافقة … وتابعة هذيك السنة مسلسل ( أين قلبي )

على قناة دبي كانت تعرض الساعة 8 كان وقتها مناسب لأن ماما تخرج للتراويح … يا بنات متصدقوا ايش صار بعدها

الحلقة الأخير كانت في أيام العيد مني فاكره أي يوم المهم على فرض إن اليوم الحلقة الأخيرة … والله يا بنات

وثاني يوم في نفس الوقت على نفس القناة … الحلقة الأولى من مسلسل أين قلبي

طيب ليه .. ما كان افضل في رمضان شهر العبادة والقرآن اتفرغ للعبادة و القرآن … وفالعيد استمتع بمشاهدة المسلسلات الجديدة

يعني زي ما عيدنا بملابس جديدة … نعيد كمان بمسلسلات جديدة ..

والسنة إلي بعدها فعلاً كُل القنوات مشفره من أول ليلة في رمضان …. وليلة العيد نفتحها

ترى لما نتفح القنوات ليلة العيد يكون لها طعم ….

أما الاتفاق الثاني ……

إحنا اليوم الاثنين تقريباً فاضل على رمضان يومين أو ثلاث

فأتمنى منكم تقضوها كُل هاليومين إو الثلاثة الأيام الفاضله قبل رمضان في السوق

يعني تقضوا مقاضي العيد …. اغلب المحلات نزلت بضاعتها

اشتري كُل الملابس إلي تحتاجيها …. وما تخلي إلى اللبس إلي راح تلبسيه في صباح العيد

يعني إحنا ولله الحمد نشتري كُل شي … أنا مثلاً بس باقيلي طقم واحد والجزم الله يكرمكم والاكسسوارات

وراح انزل اليوم وبكره عشان اخلصهم

وياريت إلي تدخل ويعجبها كلامي وودها تتفق معايا … تكتب موافقتها على الاتفاق عشان

الفراشات الباقين يتشجعوا

وسلامتكم