بنتي المزعجه العدوانيه الشقيه وش الحل معها ؟ انقذووني

السلام عليكم

بنااات تكفون انا مسجله بالمنتدى ابي حل لبنتي

توذي الناس اي احد قدامها يستاذي منها

ماحد سالم منها لا صغير ولا كبير

احس عندها طاقه زايده ماتعرف تجلس

بس تركض وتحوس وتجيب وتضرب

ودي اوصف لكم حالتها بالبيت ماتشوف التلفزيون ابد

شريت تلفزيون ككبير وحطيت لها ديفدي ووفرت لها كل شي

والبنت بس تبي حركه تبي تتحرك ماتبي تقعد

تبي الناس دايم عندها واذا شافتهم اوذتهم

اي طفل تمسكه وتضربه والا تشيله والله اقوله صدق تشيل الاطفال (ماشاء الله )

بس والله عذبتني انا ابيها تكون هاديه ومسالمه بس مافيه امل
ماتعرف تلعب لحالها ولا تقعد لحالها ابد واذا صار نشبت فيني

تبيني بس اتفرغ لها وانا عندي بنت غيرها عمرها سنه يعني مااقدر افضى لها

تعبت منها احس حياتي جحيم كرهت اطلع كرهت اروح لااي احد بسببها

ضربها يالم ويبقى اثر تفشلت بالناس

وهي تخطاء طول الوقت وعلى طول تسوي اخطاء

مدري كيف اتعامل معها يعني الحين ضربت طفل اجي اضربها

وتزعل وبعدها على طول تروح تخرب وتحوس

مافهمت وشلون اتعامل معها

الناس يحسبونه تقصير مني يقولون ماتادبينها وانا مت منها

ماتبي تقعد ابد نفسي اشوفها زي البنات الي بعمرها تلعب ببراءه

وتجلس عند التلفزيون خمس دقايق بس هي الله يهديها حتى الاولاد يستاذون منها

والله اشوف الاولاد على شطانتهم قمة البراءه

تكفون والله لاادعي لها الي تساعدني