بنتي بتجنني

يا امهاااااااات من عندها بنت مثل بنتي 🙁

متسلطه على ولد عمها هو بعمرها تمعط شعررررره بقوووه ومسكين يقعد يصيح ما يضربها مع انه يصفق عيال خالاته بس مع بنتي مدري وش سالفته

وحتى ولد اختي الصغير عمره 11 شهر تمعط شعره . .

بنتي عمرها سنه و 10 شهور

بنتي ما تضرب الا هالولدين مدري وش فيها

المهم جربت اقولها مسكين واحح وعيب وضربتها خفيف على يدها وضربتها قووه على يدها ومعطت شعرها وخليت اخوه اكبر منهم بشوي خليته يمعط شعرها اذا معطت شعر اخوووه

جربت اذا معطته اطلعه برا وما اخليها تطلع معه ( ساكنين بنفس البيت ) وتصيييييح بقووه واقولها ليش تمعطينه مسكين وكذا . . وتقلدني تقول مسكين وتكمل صياحها تبيه وما افتح لها اخليها تصيح وتسكت من نفسها

مااااافيد فااااايده !! تعقل 10 دقايق وترجع تمعطه

ذبحت ولد عمها وولد اختي

وش الحل؟ وش اسوي معها ؟؟ امي تقول اضربيها بيدها بقووه كل مره تمعط فيها ومعد تمعط

صرااحه انا ما ودي اتعود واعودها على الضرب اولا توها صغيره ثانيا الضرب ما ينفع وخاصه كثرته وراح تصير اكثر عناد