عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم يافروشات 
ان شاء الله تكونو بخير
انا بنتي عمرها سنه وسبع شهور مدمنه على قناة براعم وطيور الجنه 
انا ما همني لاني اصلا ما اتابع التلفزيون خير شر
لكن المشكله يوم يجي ابوها ويحط المباراه تصيح وتسوي نياحه
وان قلب على براعم او طيور الجنه تسكت وتنطم 😥
والمشكله رسيفر واحد
والله ذي الايام مدري وش فيها ماتخلي ابوها يشوف المباراة تزعجه بالصياح
ويقول سكتيها ازعجتني
وانا وياها يوم نكون لحالنا بالبت والله بنتي ماشاء تبارك الله احسها مؤدبه بس تناظر فالتلفزيون وان ملت جت جنبي تتصفح
وتلعب بالالعاب
مرات احس انها تخاااااااااااااف مني لاني قويه عليها
ويوم اروح عند اهلي او عند الناس والله اتفشل
تضرب الاطفال وما تبي احد يلمسها وان حطو الاكل قالت هم هم والله اتفشل
وبالبيت اجري وراها عشان تاكل
ويوم يدخل ابوها البيت تمسك التحف والشموع وتلعب بالستاير وتفتح الدرج
تعاندني لان دايم اضربها على ذي الاشياء
ويوم نكون لحالنا انا وياها والله ماتتجرأ تلمس شي
بالله احسها طفشتني كيف اتعامل معها؟؟؟
علما بأني والله اضربها وهي تخاف مني
ومستحيل يمر يوم ما تنضرب فيه
قولولي وش اسوي والله انحرج من ابوها صارت مشاغبه
والله يسعد كل وحده ردت علي
