بنتي مصابه في رجولهاتكفوووووووووووووووووووووون ساعدوني

يابنات من منكم سمع بمرض الاطفال(الخلع)

اقصد (خلع الاوراك)

انا من قبل لااتزوج كنت نحيفه كان وزني ما يوصل 50

وبعد ما تزوجت حملت على طول كان الحمل متعب بسبب النحف

وبعد ماصرت بالشهر السادس جاتني التهابات حاده كنت اتنوم باستمرار عشان

اخذ ابر مضاد بالوريد وكان بطني صغير اللي يشوفني ما يقول هذي بالشهر

السادس وكان راس الجنين فوق وكان ضاغط على كليتي اليمين برجوله وكان احس براسه

بعظام صدري وظل الراس فوق ليما ولدت طبعآ عطوني موعد تنويم للعمليه ولدت

والحمدلله وجبت بنوته انااخذت شهري التاسع كامل وكان يجيني طلق بسيط المهم بعد الفحص

على بنتي قالو لي معها خلع يعني وروكها متفككه للأسف الوركين وديتها لمستشفى الملك

فهد بالحساء وركبو عليها جهاز(عباره عن احزمه تشد الرجلين للاعلى عشان يدخل عظم

الفخذ في مكانه) ظل عليهاتقريبآ5شهور وفكوه بعد عيد الفطر قالوا لي ممكن يرجع لها الخلع

وبعد6اسابيع قالوا اليسارسليمه بس اليمين لا وعطونا موعد على تنويم وتركيب جبيره(جبص)لها

بس بصراحه انا ما ارتحت للمستشفى هذا لان اللي شفتهم فيه يقولون لي ما استفدنا من

العلاج يعني ركبوا لهم جهاز ثم جبيره(جبص) ثم يعيدون الجبيره ثم عمليه ثم جبيره بعد العمليه

ولكن الجبيره لمدة 6شهورمتواصله وانا بصراحه محتاره لان فيه ناس نصحوني اروح للرياض

لمستشفى العسكري يقولون حلو يركب الجبيره تقريبآ مدة6 اسابيع وبعدها بأذن الله تطيب(وانتو

طبعآتعرفون تاثيرالمرض هذايصيب صاحبه بالعرج والعياذ بالله)افيدوني اخواتي اذاتعرفون دكتور

كويس في مثل هالاموراو احدتعرفونه صارله نفس الشئ ووين عالج تكفون ساعدوني لاني بروح

للرياض بعد بكره للعسكري وقولوا لي وش رايكم في مستشفى العسكري بالرياض