عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير
حبيت أستشيركم وانشاء الله تفيدوني
بنتي عمرها 11 شهر الله يشافيها ويعافيها
عندها حول بالعين وديتها مستوصف المغربي الي بالرياض عند أستشاري أكاديمي مصري قالي لازم عمليه لان العصب عندها مشدود
ولا زينتها كنت شاكه بكلامه
ورحت لمركز الاستشاريون لطب العيون في الرياض بشارع التخصصي عند الدكتور الاستشاري السعودي حمد الدليم قالي ماتحتاج نظاره لانه عصب مشدود محول بالعيون قال نعطيها فرصه شهرين لحد مانتأكد أنه مازاد أونقص أذا كان ثابت نجري لها عمليه أرخاء العصب وعطاني لزقات كل يوم أحط بعين مدة ساعتين في اليوم عشان يساعد بحركه وتقوية العين
والحين برضوه عندها موعد بعد شهر عند مستشفى خالد النخصصي للعيون بالرياض عند أستشاري أطفال باكستاني وبشوف وش بيقول أذا قال فعلن عصب ولازم عمليه وش أفضل أزينه عند الاستشاري السعودي حمد الدليم أو عند الطبيب الاستشاري الباكستاني في مستشفى خالد التخصصي أنا محتاره وخايفه على بنتي تعبت نفسيتي 
ساعدوني وانصحوني هذي أول طفله عندي اللله يخليها لي قولوا أمين 
