بنتي ومعاناتي معهااليوميه!……………

مشكلتي وبختصار وابي كل من تقراه تساعدني بحكم معرفتها ودرايتها اوحتى تجربتها لني بصراحه احس اني شوي وانجن وابي احد يساعدني بتقولون وش المشكله ماتصدقون لوقلت بنتي :(هي الي متعبتني ومخليتني مدري اشلون اشرحلكم ياعزيزاتي شفت شقاوه وازعاج بس مثلها ماشفت بدايتهامن عمرها شهوركانت هاديه وش حليلها :)واول مامشت فرحت وقلت بارتاح واصير اخذها معي كل مكان وهي تمشي وبعدين تعالوا وشوفوا وش بعد فرحتي 😆 🙂 كنت اخذها معي لقريباتي وصديقاتي على اساس انها تستانس مع عيالهم وتغير جو تخيلوا كانت تعض البنات باي مكان يعجبها بغض النظر ان كان من عمرها اواصغر منهاوهم ياحرام ماسولها شي وكانت تحرجني لدرجت اني رفضت سالفة الامات والاجتماع مع البنات الين بطلت العاده هذي والحمدلله بعدين دخلنا بموضوع الشقاوه على اصولهاصرت مااقدراخلي اي شي توصله كل شي بعيد عنها والا الله يرحمه مكياج كريمات عطور تكبها بالارض بدون اي مبالات بحجم الخساير الي بتسببها هذا غير ادوات التنظيف والمواد الغذائيه وشوفوا الخلطات السريه سكر مع صابون شامبومع لوشن ولاتقولون وينك عنها انا عني خلاص صرت اخذ بالي منها كثير بس بيت هلي والناس الي نزورهم ماخلت عند اهلي شي الا وسوتله تفتيش خواتي ادراجهم مرتبه وكل اغراضهم فيها ولو اغفل عنها دقيقه 😆 idea:الاقي كل شي صار خبر كان 😆 hy:ولما افهمها ووعيها ان الي تسويه خطاء ومايصير وان الي حولها يزعلون منها ويتضايقون تقولي خلاص ياماما مااعيدها على اساس ان عمرها الحين ثلاث سنوات ونص اتوقع بها العمرتكون تفهم غير الاحراجات بالاماكن العامه والملاهي والمنتزهات لدرجة اني ماعاد ابي اروح لي مكان وافضل البقاء بالبيت بس اقول وش ذنبها صغيره وتبي تعيش طفولتها وصرت اخاف عليها لدرجه ماتتصورون لارحنا مكان عام تختفي عنا لو نغفل عنهاشوي وتلعب باعصابنا الين نلاقيها انا تعبت غير العناد وغيرالعصبيه مع اني اتعامل معها معامله حلوه ولوشديت عليها شوي على بالي ابيها تخاف مني للأسف ولاهمها 💡 وهذامو كل الي انا اعانيه وماخفي كان اعظم بس ارجوكم لاقولي حل اوطريقه احل فيها مشكلتي وانابدوري بجربها معها وعساها تنفع صدقوني انا وابوها تعبنا كثيروهي الوحيده عندي وهذي عمايلها حتى ابو الشباب إنهضم حقه ماقمت اهتم فيه مثل اول والسبب هالبنوته!:(