الحقيقة ما كنت اعرف شي اسمه سقاط او عظيم وبنتي من عمرها 3 شهور و هي ما ترضع كلش اضطر ارضعها و هي نايمة وساعات تشرب وهي نايمة وساعات لأ و الحين عمرها 7 شهور لكن نحييييييييييييفة جدا و ما تشرب و حتى ترفض الِأكل يعني مو بس شررب
اللي ما تعرف السقاط و العظيم و كيف علاجه تشوف هالرابط
/alfrasha14/700743-post17381072/
المهم من فترة قصيرة تعرفت على شي اسمه العظيم و تذكرت انه من 3 شهور لاحظت انه شكل الحنك عندها متغير و بالفعل كنت ملاحظة و حتى كنت دايما أطالع شكل حنكها اتسائل ليش كذا بس قلت يمكن شكله طبيعي والحين تأكدت انه عندها عظيم خاصة لما دخلت يدي و تحسست المنطقة لاحظت كأن في عظمة في المنطقة اللي متغيرة يعني عندها سقوط بمنطقة و المنطقة الثانية مافيها غير شي بسيط،و هاذي اعراض العظيم قرئتها برابط ثاني بس مذكر وين
المهم من 3 ايام وانا اجرب كريم بارد و ما اشوف في تحسن
أحنكها بالتمر بس شي بسيييط لأني أخاف اضرها
و امسحها بزيت سمسم برقبتها لمنطقة الاذن
و أرشها بشوية ماي بارد مثل ما قرأت ببعض المنتديات بس مافي فايدة
اليوم الثالث وانا مرة خا يفة اخاف تظل كذا علطول خاصة لما عملت بحث في قوقل قرأت مقالة تقول انه في بعض الحالات تسبب اختناق و تؤدي للوفاة و أن الأطباءما يعرفون له
الحين يابنات انا من الامارات و احنا ما نعرف شي اسمه سقاط ، و أخاف ما لاقي حرمة ترفع عندنا
شايلة هم الله أعلم به ياليت تعطوني أمل و تجاوبوني على هالاسئلة:
*هل ممكن يرتفع مع الوقت لو استمريت ع الكريم البارد؟ طيب كم يوم بالكثير ياخذ؟
*و لو لا سمح الله ما أرتفع و ظل معاها علطول هل راح يعيقها للأبد؟ أيش راح يعمل مثلا؟
*هل هو فقط يعيق الشرب من الرضاعة واللا ايضا يعيق الأكل من الملعقة؟ لان هي حتى من المعلقة ترفض تاكل و تجلس تبكي بكي
*واذا وحدة من الامارات من رأس الخيمة تعرف حرمة ترفع ياليت تدلني عليها والله لأدعيلها من قلب
*وللعلم انا لما احط الكريم البارد (انا احط نيفيا بالثلاجة و استخدمه) على راسها أحس ان برودته بسرعة تروح و بنفس الوقت انا مدري وين بالضبط اليافوخ ، انا احطه بمنتصف الرأس لحد قريب الجبهه هل هاذا هو المكان الصحيح؟
*بعدين ايش اسباب السقاط اصلا علشان اتجنبها
ادري اثقلت عليكم بالموضوع و بأسئلتي بس والله حاسة اني ضايعة و دايما ادعي بصلاتي ربي ييلاقيلي حل مو عارفة شو اسوي حتى اكتب لكم الموضوع بعد صلاة الفجر ما جاني نوم رحت شغلت الكمبيوتر على أمل الاقي حل الله يجزيكم خير
للعلم زوجي مش مقتنع ابدا بالموضوع
ورجاء لا تقولولي من الحليب تراها كانت تشربه زين بس بعدين تغيرت و الدكتور غيرلها الحليب بس مافي فايدة و كل ما جاها يوم ساءت حالتها 😀
استغفر الله العلي العظيم لذنبي و ذنب المؤمنين و المؤمنات و المسلمين و المسلمات الأحياء منهم و الأموات إلى يوم القيامة