بنت آختي [ الموضوع اخذت كل تفكيري ]

حبيبآتي مالي بالمقدمآت كثيير ..

بنت اختي عمرهآ [سنه و3 شهور] اشوفهآ تشرد كثير ومآتركز الابنسبة 5 %

لدرجة شكينآ ان فيها [ توحــد ] البنت من عمرهآ 4 شهور وهي 24 ساعه [ طيور الجنه ] مآفي تواصل ابد

وحتى اختي ماتلعبها مقصره معها كثير وهي تعترف بهذا الشي ..

تدخل من دوامها تبوسها وتروح غرفتها تنام وتصحى تطلع مع بنتها الاكبر وترجع تاخذ هالبنت وينامو ..

يعني البنت تاكل وتشرب وكل شي قدام طيور الجنه نناديها ماتناظرنا ..

بس تصارخ صرخه حاده مره مره ساعات نقول يمكن ماتسسسمع / وديناها امس للمستشفى وسوا لها فحص للسمع وقال ان اذنها سليمه بس لما سوى اختبار السمع ماشافها تنتبه او تناظره وقال ماتسمع 🙁

كلمة اختي باحثه بـ التوحد وقالت ان كل اعراض بنتك توحد

وانها تصارخ لآن احد خرب نظامها وقالت لها اتبعي معها الحميه الخاصه بالتوحد وبعد 10 ايام كلميني <~ انا الصراحه مااقتنعت كيف تشخص الطفل بالتلفون والبنت توها سنه و 3 شهور ..

البنت ماتمشي بس تحاول وتخاف امسك يدها تمشي معي اوقف قدامها واقرب يدي منها تحس بالامان وتمشي خطوتين وتطيح ..

لما قلنا للدكتور الاطفال اليوم قال الاستشاريه ماعندها سالفه كيف تشخص بالتلفون والبنت يمكن بس مشكلة السمع عندها والمشي عادي في اكبر منها مامشو وقال ان صحتها هي السبب تاخرها بالمشي ..

بنت اختي كل تصرفتها تقول انها مصابه بالتوحد / تنآظر بالسقف او بالارض لآهيه وسرحانه تصارخ وتضحك فجائه بشكل مو طبيعي تلمس اذنها كثير خدرانه بقوه ومالها خلق لاتلعب ولاتحب احد يشاركها اللعب ماتحب تجلس معنا تروح للصالها تجلس لوحدها ..

والله مادري وش اقولكم بس احس الموضوع متعبني كثير لما اشوفها منسدحه ومالها خلق تتحرك ارحمها واقرب لها تضمني بقوووه ماترضى تفكني لآني لي 3 اسابيع العب معها واخذها معي اي مكان اطلع طيور الجنه حذفتها ماعاد احطها ابد ولدرجة كل ماامر تصارخ تبيني انا ماتبي امها

الدكتور كلآمه مطمن و الباحثه خوفتنا وقالت ارسل لكم خلطه اعشاب بـ 5 الالف وشوي لمدة شهر كل شهر ناخذها منها وللحين ماجبناها ..

انتظر ردكم ياخواتي واي احد عنده نفس هالحاله تقول لي كيف حلوها ..