بنت انتي وياها تعالي هنا بسررعه عندي سر الــ ؟؟

اولاً وقبل كل شي حابه اقولكم يابنات انه هالخلطات كثرت وكل وحده ما تستفيد من خلطة غيرها لا تزعل لان البشرات تختلف ولكل بشره مزاياها وعيوبها وفي بشرات تتقبل الخلطات وفيه بشرات ما تتقبل حسب طبيعية البشره ونوع الاكل وما الى ذلك

اهم شي البنت تكون عندها وعي وادراك وتكون عارفه نوع بشرتها ومدى حساسيتها للمكونات الي تستخدمها عشان تقدر تستفيد
ثانياً يابنات عشان تكون بشراتنا حلوه ومورده مو بس نهتم فيها من برا لازم ايضاً نهتم في اكلنا وشربنا
يعني احنا شعب مهمل للتغذيه ماناكل خضراوت ولا فواكه ولا البان لازم ياحبياتي على الاقل الوحده كل يوم تشرب لها كم كوب حليب او لبن وتاكل علبة الزبادي وتشرب مويه الصباح على الريق وتكثر من شرب الماء لان المويه سحر في توريد البشره وجمالها
سبحانه عز من قال ( وجعلنا من الماء كل شي حي )
انا صار لي فتره كل مارحت السوبر ماركت عبيت هالثلاجه زبادي وحليب ولبن
وكل صباح افتح ريقي بكاسة مويه واستنا شوي واكل فواكه وعلبة زبادي
وابقى شوية في العلبه واحط معاها شوية نشا وبيكنج بودر وخميره واخلطهم مع بعض وادهن فيهم وجهي وشفايفي ورقبتي ويديني
وهالوصفه من اغراض المطبخ يعني لا يبيلها عطار ولا هم يحزنون وتخلينها على وجهك ربع ساعه الين تنشف وتغسلينها والله حسيت وجهي ورد وامتلى الحمدلله
وانا عشان فيني اكزيما خفيفه وتفادياً للحساسيه بعد ما اغسل وجهي ادهن وجهي بكريم فسيودين ابو خطين احمر وبرتقالي
غير كذا انا رحت الصيدليه واشتريت من عندهم كريم من رويال وهو عباره عن اثنين في واحد لتفتيح وتنعيم وتكبير الشفه وهو تقريبا بسبعين ريال
وطريقته احط الكريم رقم واحد حولين الشفه على الحدود ورقم اثنين ادهن فيه الشفه وهو يوضع مرتين باليوم مره قبل النوم ومره بالنهار

وهذي صورته

وما ابي منكم الا دعوة صادقه في ظهر الغيب ان الله يرزقني الزوج الصالح انا وبنات المسلمين