عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
العمر :18
المهنه : طالبه
الحاله الدينيه : ملتزمه
الحاله الإجتماعيه : عزباء
الحلم
حلمت أني في بيت وحده من صحباتي , وكنت جالسه مع صحبتي و أم صحبتي و2 من أخواتها
كنا نسولف وكده , من طريقه كلامي معهم كأني كنت ساكنه معهم أو أقرب لهم
يعني مو كأني جايتهم زياره
كانو يقولو أنهم راح يسافرو لدوله عربيه اللي أمهم منها( أم صحبتي مو سعوديه)
وكنت أقولهم بأروح معكم وكده
بعدين سافرنا ورحنا في مكان وكانو في ناس يفتشونا ( دا المكان كأنو الحدود أو شي زي كده)
بعدين رحنا بيت لهم في دي الدوله العربيه
أنا كنت شايله بنت صحبتي الصغيره , وكنت قاعده أتمشى في البيت وأتفرج عليه
فجأه طالعت في بنت صحبتي لقيتها قاعده ترضع من صدري
أنفجعت , وكنت خايفه مره وكنت أقول في نفسي
دحين أش أقول لزوجي لما يشوف صدري ؟
وبس دا حلمي
علما أني أنا عمري ماشفت أهل صحبتي ولا هم شافوني ولا زرتهم في البيت ولا حتى كنت أفكر أزورهم , أنا بس شفتهم بالصور
يعني أعرفهم من الصور بس
وأنا دايما أحلم فيهم وأني عندهم في بيتهم , مع أن عمري مافكرت بدا الموضوع أبدا
أتمنى تفسرو حلمي
