عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم! كيفكم ان شاء الله بخير! 😆
شوفوا يا بنات انا ابغى اغير منظري لأني ملييييت!! المشكلة ان اشياء قليلة جدا اللي تمشي علي 😉
انا شعري كيرلي بس مو من الكيرلي اللي مرة صغير زي مريام، لا يعني على مموج بس للأسف ينفش يعني يوميا لازم موس و سشوار خفيف، مع ان ملمسه مو خشن بس انه يميل للنفش خخخخخخخخخخخ
المهم انا ما ابغى اقصره بس ابغى اقصه من قدام عشان المنظر يتغير بس
و هنا المشكلة
انا جبهتي شوي كبيرة يعني ما اقدر ارفع شعري على فوق مرة لازم شعر شوية نازل
و صارلي تقريبا سنتين على هي الغرة (اكثر شيء ناسبني):
و اذا طالت اتركها الين ما اقصها تاني تصير كدة
طبعا الغرة دايما مسشورة و هاذي بسيطة ما تأخذ دقيقتين
الآن مررررة طفشت ماني عارفة ايش اقص و جبهتي و نوعية شعري الغير مرنة في طريقي
و بالمناسبة لاحد يقول اقص كدة: (ادري انها طالعة عند الأجانب بس كل ما اشوفها افتكر بنات الإبتدائي و بالإضافة ان يبغالها احد شعرة ناعم) :
قولولي ايش اسوي.. تعبت و انا نفس اللوك نفس اللوك
🙁
