بنوتات تعالو نسولف عن الكريم الي نستخدمه قبل النوووم ونعرض تجاربنا

فديت هالخشيش والله يشهد علي ربي اني احبكم حب فيه لبى قلوبكن

المهم بنوتات قصتي كالتي ➡

اليوم كنت أرتب أقراضي ولاحظت أن الكريم الي أستخدمه خلص

ولازمني أروح الصيدليه أجيب أغراض 😡

ماعلينا أنا أعترف أعتراف صريح مسجل أني ملوله

يعني ماأستمر على الشي حتى لو جاب فايده معي أستخدمه وأرجع له بعد فتــــــــــــــره

طبعا كل بنووووته تحب تهتم في بشرتها صح ؟!! ولا وحده تقول لا لأن ماراح أصدقها ههههههههههه

ولازم نستخدم كريم قبل النوم أنا كنت أستخدم كريم أسمه ( سكن سكسس ) سمعت أن فيه زئبق وتركته

أنا الحمد الله بشرتي حلوه ولونها حلو ماشاء الله بس لازم اعتي فيها خصوصا بهالصيف الله يعينا

هذا الكريم كان يصفي البشره مو بياض لا بس يصفيها ويعطيها نضاااااره بأختصار مجرد عنايه

المهم أنا حابه أروح أشتري كريم حلو للبشره فقلت ليه ياشدونه ماتنزلين موضوع منها تستفيدين أنتي وتفيدين غيرك

يعني كل وحده تقول لنا وش الكريم الي تستخدمه ووش أعراضه وهل هو طبي والا لا ووش سوى في بشرتها لما تركته ووش يسوي هالكريم يخفي أثار والا للكلف والا لبياض والا تغذية يعني تقول وش فوائد هالكريم والنتائج الي تطلع

بنوتات الله يشهد علي والله ثم والله أني نزلت هالموضوع ليفيد غيري أكثر من قصدي أنه يفيدني أقسم بالله

لأن فيه بنات ياعمري وربي ملكااااااات جمال لكن بشرتهن مخربه عليهن تحصلينها فيها اثار أو حبوب أو ترهل أو كلف أو إرهاق 😐

وحنا هنا يد وحده ماتدرين يمكن هالكريم الي تكتبين اسمه تفرجين على بنوته عندها نفس مشكلتك والله يفرج عليك ويوفقك وتاخذين اجر 😛

والله يابنات قصدي نكون يد وحده ومتعاونين لاني من جد احب هالمنتدى وبناته فديتهن

وانتظروني بالموضوع الجاي أن شاء الله راح نخلص من سالفة الكريمات ونبدأ بسالفة المنظفات وعندي لكم كم منظف رووووووووووعه ومن تجربتي طبعا هذا حنا نسولف يعني نقصر الضحى هههههههههههههههههه

وبسألكم عن كريم بازلين يقولون أنه طبي وحلووو للبشره أبي الي أستخدمته تقول لنا تجربتها الله يجزاها خير

يلا بنوتات الله الله بالردود